Dictionary/အဘိဓာန်

Blogspot Dictionary

Blogspot Dictionary

Tuesday, June 12, 2012

အခေါ်အဝေါ် အချိုအခါး


(၁)
တစ်နေ့က ဆရာတော်တစ်ပါးနှင့် အိမ်တစ်အိမ်သို့ သွားဖြစ်ခဲ့သည်။ ထိုအိမ်တွင် အသက် ၇၀-ခန့် ဒကာကြီးနှင့် ဒကာမကြီးတို့ ရှိသည်။ သူတို့နှစ်ဦးလုံးသည် အသက်အရွယ်အိုမင်းနေသော်လည်း တစ်ဦးကိုတစ်ဦး ကြည့်သောအကြည့်၊ ပြောသောစကားများက ဆယ်ကျော်သက်လေးများလို နူးညံ့သိမ်မွေ့နေဆဲပင် ဖြစ်သည်။ တစ်ဦးကိုတစ်ဦး ကြင်ကြင်နာနာ အမူအရာဖြင့် ပြောဆိုဆက်ဆံနေကြသည်။ တစ်ဦးအပေါ်တစ်ဦး နားလည်မှုအပြည့်ဖြင့် ဘ၀လက်တွဲဖော် ပီသနေကြသူများဖြစ်လိမ့်မည်ဟု တွေးမိခဲ့သည်။ သူတို့နှစ်ဦးသည် ဆရာတော်ကို တွေ့သည်နှင့် “သားသား”ဟု ခေါ်သည်။ ဆရာတော်ကလည်း ပါးပါး၊ မာမားဟု ခေါ်သည်။ 

အမြင်အရ တစ်မျိုးထူးဆန်းနေခဲ့သည်။ ပြုံးချင်စရာတစ်မျိုးဟု သဘောထားမိ၍ ပြုံးခဲ့မိသေးသည်။ နောက်ပိုင်းတွင် သိလာရသည်မှာ သူတို့အခေါ်အဝေါ် အပြောအဆိုများမှာ နောက်ကြောင်းကင်းသည်။ အခြားကွယ်ဝှက်ထားသော အဓိပ္ပာယ်များ မရှိ။ သူတို့နှစ်ဦးက ဆရာတော့်အပေါ်မှာ တကယ့်သားအရင်းကို သားသားဟု ခေါ်ချင်သည်။ ထို့အပြင် ဆရာတော်က ခေါ်သောအခါတွင်လည်း ပါပါး၊ မာမားဟု ခေါ်မှ သဘောကျသည်ဟု ဆိုသည်။

(၂)
ဘုန်းကြီးလောကတွင် အချင်းချင်းကြားမှာ ပြောနေကြသည်များ ရှိသည်။ “ဒီကိုယ်တော်က ဘုန်းကံကြီးမှာပေါ့၊ ဒကာမကြီးတွေ တွေ့ရင် မေမေ မေမေ၊ မယ်တော်ကြီး မယ်တော်ကြီး လို့ ပြောတာကိုး”ဟု ဆိုတတ်ကြသည်။ အချို့ကတော့ ပိုပြီးရင်းနှီးချင်လို့၊ ရင်းနှီးမှုပိုရမှ ဆက်ဆံရေးနှင့် အခြားလုပ်ငန်းကိစ္စများ အဆင်ပြေနိုင်တယ်လို့ ယုံကြည်သည့်အတွက် ဒကာ၊ ဒကာမများအကြိုက် ခေါ်ဝေါ်သုံးနှုန်းလေ့ရှိကြသည်။ အချို့ကတော့ ဘာရည်ရွယ်ချက်၊ ဘာအကြောင်းတရားမှမရှိဘဲ အမေတစ်ယောက်လို ချစ်ခင်မိသဖြင့် မာမား၊ မယ်တော်ကြီး စသည် ခေါ်ကြသည်။ အစ်မ စသည် ခေါ်ဝေါ်ပြောဆိုကြသည်။ 

အချို့ကတော့ ဒကာဒကာမများကို ဒကာဒကာမအသုံးအနှုန်းမှလွဲ၍ အခြားအခေါ်အဝေါ်ဖြင့် ခေါ်ဝေါ်ပြောဆိုကြသည်ကို မနှစ်သက်ကြပေ။ ရယူလိုမှုကို အခြေမခံဘဲ မေတ္တာတရားကြောင့် အရင်းနှီးဆုံး အခေါ်အဝေါ် အပြောအဆိုများ သုံးနှုန်းခြင်းသည် ဘုရားအလိုတော်နှင့် မကိုက်ညီဟု စာရေးသူတော့ မယူဆပါ။

(၃)
မြတ်စွာဘုရား တရားတော်များတွင် ယဉ်ကျေးသူတို့၏ အသုံးအနှုန်းဟူသော ဟောကြားချက်များကို တွေ့ရသည်။ ဘုရားရှင်က ဖခင်အရွယ်ကို ဖခင် (ဖေဖေ၊ ပါပါး)၊ မိခင်အရွယ်ကို မိခင် (မေမေ၊ မာမား)၊ အစ်မအရွယ်ကို အစ်မ၊ ညီမအရွယ်ကို ညီမ စသဖြင့် ခေါ်ဝေါ်ပြောဆိုခြင်းသည် ယဉ်ကျေးသူတို့၏စကား၊ မြို့ကြီးသူတို့၏စကားဟု ညွှန်ပြထားသည်။ စာရေးသူ သိသလောက်ဆိုရလျှင် လူဒကာဒကာမများကို “ဒကာကြီး၊ ဒကာမကြီး”ဟု ခေါ်ဝေါ်ပြောဆိုခြင်းသည် ဘုရားအလိုအရ သက်မှတ်ထားခြင်း မဟုတ်ဘဲ မြန်မာ့ယဉ်ကျေးမှုသက်သက်သာ ဖြစ်သည်။

(၄)
စာသင်သားဘ၀က ဆရာတော်ကြီးတစ်ပါးကို ရှုတ်ချခဲ့ဖူးသည်။ ထိုဆရာတော်သည် သူဌေးကြီးများ ကျောင်းလာလျှင် “သူဌေးကြီး”၊ ဗိုလ်ချုပ်ကြီးများ ကျောင်းလာလျှင် “ဗိုလ်ချုပ်ကြီး” စသဖြင့် ခေါ်ဝေါ်သုံးနှုန်းတတ်သည်။ အမှန်စဉ်းစားကြည့်လျှင် မြတ်စွာဘုရားနည်းအတိုင်း သုံးနှုန်းခေါ်ဝေါ် ပြောဆိုနေခြင်းပင် ဖြစ်ပါသည်။ အဘယ့်ကြောင့်ဆိုသော် မြတ်စွာဘုရားရှင်နှင့် သူဌေးများ၊ ဘုရင်မင်းများနှင့် စကားပြောခန်းများကို လေ့လာကြည့်ပါက မြတ်စွာဘုရားရှင်သည် သူဌေးကြီးနှင့်တွေ့ပါက “သူဌေးကြီး၊ သူကြွယ်ကြီး (သေဋ္ဌိ)”၊ ရှင်ဘုရာများနှင့် စကားပြောဆိုရာတွင် “မြတ်သော မင်းကြီး၊ မင်းမြတ် (မဟာရာဇ)” စသည်ဖြင့် ပြောဆိုသည်ကိုသာ တွေ့ရသည်။ သို့အတွက်ကြောင့် မြတ်စွာဘုရားရှင်သည် နားထောင်သူ နားဝင်ချိုစေမည့် အခေါ်အဝေါ် အသုံးအနှုန်းကို သဘောကျကျ သုံးနှုန်းလေ့ရှိသည်ဟု ဆိုနိုင်မည်ဟု ယူဆမိသည်။

(၅)
မြတ်စွာဘုရားရှင်နှင့်စပ်လျဉ်း၍ အများကြားဖူးသည့် အဖြစ်အပျက်တစ်ခု ရှိသည်။ နကုလပိတာ၊ နကုလမာတာ ဟူသော လင်မယားနှစ်ယောက်အကြောင်း ဖြစ်သည်။ သူတို့နှစ်ဦးသည် မြတ်စွာဘုရားရှင်အပေါ်တွင် မိမိ၏ သားအရင်းကဲ့သို့ ချစ်ခင်ကြင်နာကြသူများ ဖြစ်သည်။ မြတ်စွာဘုရားကလည်း သူတို့၏ ချစ်ခြင်းကို လက်ခံသည့်အနေအထား တွေ့ရသည်။ 

စာထဲတွင် နကုလပိတာ၊ နကုလမာတာဆိုသည်မှာ နာမည် (just name)မျှသာ ဖြစ်နေသော်လည်း စာရေးသူက ဝေါဟာရအဓိပ္ပာယ်ကိုလိုက်ပြီး စဉ်းစားမိသည်။ န = မဟုတ် +ကုလ = အမျိုး +ပိတာ = အဖေ၊ န = မဟုတ်၊ ကုလ = အမျိုး + မာတာ = အမေ။ ဟု အဓိပ္ပာယ်အသီးသီး ထွက်ရာ “အမျိုးမတော်သော အဖေနှင့် အမျိုးမတော်သော အမေ”ဟု အဓိပ္ပာယ်ရလေသည်။ အမှန်အားဖြင့်လည်း ထိုလင်မယားနှစ်ယောက်သည် ဘုရားရှင်နှင့်အမျိုးမတော်စပ်သူများ ဖြစ်သည်။ သို့ရာတွင် မိဘအရင်းအခြာများလို သံယောဇဉ်ကြီးမားသူများ ဖြစ်လေသည်။

(၆)
အထက်ပါ ဇာတ်လမ်းနှင့်ဆင်တူသော ဇာတ်လမ်းတစ်ပုဒ်လည်း ရှိပါသေးသည်။ လင်မယားနှစ်ယောက်သည် မြတ်စွာဘုရားကို တွေ့သည်နှင့် “ချစ်သားလေး၊ မိဘတွေကို မလုပ်ကျွေးဘဲနဲ့ ဘယ်တွေ သွားနေတာလဲ”ဟု ဆိုသည်။ ထို့အပြင် “အိမ်မှာ အမေလည်း ရှိနေတယ်၊ လာ၊ လိုက်ခဲ့၊ အမေ့ကို သွားတွေ့လိုက်အုံး”ဟု ဆိုသည်။ အိမ်ရောက်သောအခါ သူ၏ သားသမီးတို့ကိုလည်း “သားတို့ သမီးတို့ လာကြ၊ မင်းတို့ အစ်ကို လာပြီ၊ ရှိခိုးကြ”ဟု ဆိုပြန်သည်။

 မြတ်စွာဘုရားရှင်ကလည်း ထိုလင်မယားတို့၏ ချစ်ခြင်းမေတ္တာကို အသိအမှတ် ပြုတော်မူခဲ့သည်။ မြတ်စွာဘုရားရှင်သည် သူ့ထံသို့ ဆွမ်းစားလာပင့်ပါက ထိုလင်မယားအိမ်သို့ သွားခိုင်းပြီး အခွင့်တောင်းခိုင်းလေ့ ရှိသည်။ ဆွမ်းဖိတ်သူမရှိသောနေ့တိုင်း မြတ်စွာဘုရားသည် ထိုလင်မယားအိမ်သို့ သွားရောက်ပြီး ဆွမ်းဘုဉ်းပေးတော်မူခဲ့သည်။

(၇)
ထိုဇာတ်လမ်းများတွင် မြတ်စွာဘုရားရှင်က အလိုလို ဖြစ်ပေါ်လာတတ်သော ချစ်ခြင်းမေတ္တာအကြောင်းကို ထုတ်ဖော်ဟောကြားခဲ့သည်။ ချစ်ခြင်းမေတ္တာသည် ၁။ ရှေးဘ၀များက အတူတကွ ပေါင်းသင်းနေထိုင်ခဲ့ဖူးခြင်း၊ ၂။ ပစ္စုပ္ပန်ဘ၀တွင် အကျိုးစီးပွား အပြန်အလှန် ဖြစ်ထွန်းနိုင်ခြင်းဟူသော အကြောင်းနှစ်ချက်ကြောင့် ဖြစ်ပေါ်လာတတ်ကြောင်း မိန့်တော်မူခဲ့သည်။ ထိုအချက်နှစ်ချက်ရှိလျှင် မြင်ကာမျှနှင့် ချစ်ခြင်းမေတ္တာများ ဖြစ်တတ်ကြောင်း ဟောကြားခဲ့သည်။

(၈)
အခေါ်အဝေါ်များက ပြောပြသော အဓိပ္ပာယ်များအကြောင်းကို စဉ်းစားရင်း အခေါ်အဝေါ်များ၏ အရေးပါမှုကိုပါ တစ်ပါတည်း စဉ်းစားမိခဲ့သည်။ လူ့လောကတွင် နေနေရသည့် လူတို့သည် အစစအရာရာ စိတ်ချမ်းမြေ့စေဖို့အတွက် ပြောဆိုဆက်ဆံရာတွင် ပထမဦးစွာ အခေါ်အဝေါ်များ ယဉ်ကျေးသိမ်မွေ့နေသင့်သည်။ တစ်နည်းအားဖြင့် မေတ္တာသံပါသော အခေါ်အဝေါ်လေးများကို အသားကျအောင် လေ့ကျင့်ခေါ်ဝေါ်သင့်ပါသည်။ 

မည်မျှနူးညံ့သော အခေါ်အဝေါ်ပင်ဖြစ်စေကာမူ အခေါ်အဝေါ်များ၏ နောက်တွင် ရိုးသားမှုတစ်ခု ရှိဖို့တော့ အထူးလိုအပ်လှပြန်သည်။ ရိုးသားမှုနောက်ခံထားခြင်းမရှိသော အခေါ်အဝေါ်များသည် ဓားသွားပေါ်က ပျားရည်စက်လေးများသဖွယ် ကြောက်စဖွယ် ကောင်းနေပါလိမ့်မည်။

1 comment:

Anonymous said...

.'အစ္စလာမ်sucks'လို့'Google'မှာရိုက်ထည့်ပြီး'IslamSucksislamsucks.word press.com/Cached Thanks for dropping by Islam Sucks!Takea...အင်တာနက်သတင်းလွတ်လပ်ခွင့်သည်အစ္စလာမ်..အစ္စလာမ်ဟာဘာသာတရားတွေအားလုံးကို..'ဆိုတဲ့wegpageကိုပုတ်ခတ်လာရင်ဒိုင်းတစ်ခုလိုကာကွယ်လို့ရအောင်တခြားဘာသာဝင်တွေမသိစေဘဲဗုဒ္ဓဘာသာဝင်တွေဆီမျှဝေပေးစေလိုပါတယ်..ဘာကြောင့်လဲဆိုတော့"ဗုဒ္ဓဘာသာဝင်များအတွက်စေတမန်"လို့'Google'မှာရိုက်ပြီးဝင်ဖတ်စေလိုပါတယ်..ဗုဒ္ဓဘာသာကိုတော်တော်မိုက်ရိုင်းစော်ကားထားပါတယ်..သာသနာကိုချစ်သူတိုင်းသာသနာ့ရန်စွယ်တွေကိုဓမ္မစက်နဲ့ပြန်လည်ချေပကာကွယ်နိုင်ကြပါစေ..