Friday, May 16, 2014

ဖရိုင်းဇင်းပန်းဥယျာဉ်ထဲမှာ




(၁)
ဖရိုက်ဇင်းစာကြည့်တိုက်က အကြီးကြီးရယ်။ စာအုပ်တွေက စုံလှတယ်။ ဂျာမန်ဘာသာနဲ့ရေးထားတာတွေက များပါတယ်။ ဘာပဲဖြစ်ဖြစ် ဗဟုသုတအနေနဲ့ လိုက်ငေးတယ်။ ဖရိုက်ဇင်းသမိုင်းစာအုပ်လေးတစ်အုပ်ကို ကောက်ကိုင်မိတယ်။ စာအုပ်ပေါ်က မျက်နှာဖုံးပေါ်က ရေးထားတဲ့ Freising ဆိုတာကို သေချာကြည့်တဲ့အခါ ပါဠိသင်လာတဲ့ကိုယ်တော်ပီပီ ပုဒ်ခွဲကြည့်မိတယ်။ Frei+sing ဂျာမန်လို Frei ဆိုတာ Free လွတ်လပ်ခြင်း၊ Sing ဆိုတာက သီချင်းဆိုတာ။ နာမည်လေးကို အတော်သဘောကျသွားတယ်။ သူတို့ ဘယ်လို အဓိပ္ပာယ်ဖွင့်ကြသလဲဆိုတာတော့ နောက်မှ မေးကြည့်ရဦးမယ်။

(၂)
Freising ဆိုတာ Freising ပြည်နယ်ရဲ့ မြို့တော်တစ်ခု ဖြစ်ပါတယ်။ လူဦးရေအားဖြင့် ၄ သောင်းကျော် ရှိတယ်လို့ ဆိုပါတယ်။ မြူးနစ်မြို့တော်ရဲ့ မြောက်ဘက် အီဇာမြစ်ကမ်းဘေးမှာ တည်ရှိပါတယ်။ မြူးနစ်မြို့ကနေ ကားနဲ့ ၂၅ မိနစ်ခန့်ခရီးရှိပါတယ်။ ရထားနဲ့ဆိုရင်လည်း အဲဒီလောက်ပဲ ကြာပါတယ်။ မြူးနစ်လေဆိပ်ကြီးနဲ့လည်း အနီးဆုံးနေရာမှာ ရှိပါတယ်။ မြူးနစ်လေဆိပ်ကနေ ဆင်းလိုက်တာနဲ့ မြောက်ဘက်ကို လှမ်းကြည့်လိုက်ရင် ကမ္ဘာ့သမိုင်းဝင်အမွေအနှစ်ဖြစ်တဲ့ ကတ်သတ်ဒရီယလ် (cathedral hill) တောင်ကုန်းကို လှမ်းမြင်နိုင်ပါတယ်။ ဒီနာမည်ကျော်တောင်ကုန်းပေါ်မှာ ခရစ်ယာန်ဂိုဏ်းချုပ်ကြီးရဲ့ ခမ်းနားတဲ့ နန်းတော်ရဲတိုက်ကြီးလည်း တည်ရှိပါတယ်။

လက်ရှိပုပ်ရဟန်းမင်း မတိုင်ခင်က ပုပ်ရဟန်းမင်းကြီးဟာ စာရေးသူတို့ကျောင်းဘေးက တောင်ကုန်းပေါ်က ဘုရားကျောင်းမှာ ရဟန်းဖြစ်ခဲ့တာ။ ဒါ့အပြင် ဗိုင်ဟန်ရှတဲဖန် (Weihenstephan Hill) တောင်ကုန်းကိုလည်း လှမ်းမြင်နိုင်ပါတယ်။ ဒီတောင်ကုန်းကတော့ ကမ္ဘာ့သက်တမ်းအရင့်ဆုံးဘီယာတွေ ထုတ်လုပ်တဲ့နေရာတစ်ခု ဖြစ်ပါတယ်။

Freising မြို့လေးဟာ အလွန်တရာ ရှေးကျပြီး ရှေးဟောင်းဒဏ္ဍာရီပုံပြင်တွေ၊ စိတ်ဝင်စားဖွယ်ရာဇာတ်လမ်းတွေ အများအပြား ရှိပါတယ်။ ဘာသာရေးမြို့တော်လို့လည်း ဆိုလို့ ရပါတယ်။ ယခင်နှစ်ပေါင်းများစွာမှ ယနေ့အချိန်အထိ ခရစ်ယာန်ဘာသာတရားနဲ့ပတ်သက်ပြီး အထွတ်အမြတ်ထားရာ မြို့တစ်မြို့ဆိုရင်လည်း မမှားနိုင်ပါဘူး။ မြို့ထဲက တံတားတွေ အိမ်တွေ၊ လမ်းတွေမှာလည်း ခရစ်တော်ရဲ့ရုပ်ပွားတော်တွေ ဆောက်လုပ်ထားကြတယ်။ ယနေ့အချိန်အထိ တစ်နေကုန် ဘုရားကျောင်းက ခေါင်းလောင်းသံတွေ တစ်နာရီခြားတစ်ခါ တညံညံ တီးခတ်နေဆဲပါ။ ည ၉ နာရီကျမှ ရပ်ပါတယ်။ ရှေးတုန်းက အယူအဆအရတော့ မကောင်းဆိုးဝါးတွေဟာ ဒီခေါင်းကြီးတွေအသံကြားရင်း ပြေးကုန်တယ်လို့ ဆိုပါတယ်။ ဒါကြောင့် အစဉ်အဆက်အနေနဲ့ ခေါင်းလောင်းတွေ ဆက်လက်တီးနေကြတာလို့ ဆိုပါတယ်။

လွန်ခဲ့တဲ့ အေဒီ ၇၂ဝ မှာ သူတော်စင် ကော်ဘီနီယန်း(Corbinian)က ဘာသာရေးအဆောက်အအုံတစ်ခုကို တည်ဆောက်ခဲ့တယ်လို့ ဆိုပါတယ်။ Freising မြို့တော်ရဲ့ အမှတ်အသားတံဆိပ်က ကျောပေါ်မှာ ပစ္စည်းတွေ တင်ထားတဲ့ ဝက်ဝံရုပ်ဖြစ်ပါတယ်။ ဒီအမှတ်တံဆိပ်ကလည်း ရာဇဝင်နဲ့ပါ။ တစ်နေ့မှာ ဝက်ဝံက သူတော်စင် အာဘီအို (Arbeo)ရဲ့ မြင်းကို ကိုက်သတ်ပစ်တယ်။ ဒါနဲ့ သူတော်စင်က ဒဏ်ပေးတဲ့အနေနဲ့ ဝက်ဝံကို သူ့ပစ္စည်းတွေကို သယ်ခိုင်းလိုက်တယ်။ ဒီသူတော်စင်က အဲဒီလောက်ထိ တန်ခိုးကြီးတယ်လို့ ဆိုတယ်။ ဒါကို အကြောင်းပြုပြီးတော့ ပစ္စည်းတွေ တင်ထားတဲ့ ဝက်ဝံက Freising ရဲ့ သင်္ကေတဖြစ်လာရတာပါ။

အေဒီ ၉၉၆ မှာ ဒူကဲဟင်နရီ (Duke Henry) ဆိုသူရဲ့ ကြိုးပမ်းမှုကြောင့် Freising ရဲ့ အဓိကစီးပွားရေးတွေ၊ အခြေခံအဆောက်အအုံတွေက မြူးနစ်ကျေးရွာဘက်ကို ရောက်ကုန်တယ်လို့ ဆိုပါတယ်။ တဖြည်းဖြည်းနဲ့ မြူးနစ်မြို့က ကြီးကျယ်လာရာ ၁၁၅၈ ခုနှစ်မှာတော့ Freising ရဲ့ စီးပွားရေးအခြေအနေတွေဟာ မြူးနစ်ကို အရှုံးပေးလာရတယ်။ မြူးနစ်မှာလည်း ခမ်းနားကြီးကျယ်တဲ့ ဘုရားရှိခိုးကျောင်းကြီးတွေ ဆောက်လုပ်လိုက်ကြတယ်။

(၃)
စီးပွားရေး၊ လူမှုရေးအရ မြူးနစ်မြို့က သာလွန်သွားပေမဲ့ ဘာသာရေးအရတော့ ဖရိုက်ဇင်းက အစစအရာရာ မပြောင်းလဲနိုင်တော့လောက်အောင် အခြေတည်နေခဲ့ပါတယ်။ ယနေ့အချိန်အထိ ပုပ်ရဟန်းမင်းကြီးအောက် အနည်းငယ်လောက်ပဲ အဆင့်နိမ့်တဲ့ ရဟန်းမင်းကြီးများ စိုးစံနေဆဲပဲ ဖြစ်ပါတယ်။ ရဟန်းမင်းကြီးများဟာ ခမ်းနားကြီးကျယ်စွာ စားသုံးရခြင်း၊ နေထိုင်စံမြန်းရခြင်း စတဲ့နေရာအားလုံးမှာ ရှေးခေတ်ရှင်ဘုရင်များလို ပြုစုခံနေရဆဲ ဖြစ်တယ်လို့ ဆိုပါတယ်။ ဒါပေမဲ့ ယနေ့ခေတ်မှာ ရဟန်းပြုသူနည်းလာတဲ့အတွက် သာသနာပြုလုပ်ငန်းတွေကတော့ ထောင့်မစေ့နိုင်လောက်အောင် ဖြစ်လာတယ်လို့ ဆိုပါတယ်။ ဒါကြောင့်ပဲ အာရှဘက်ကနေ ခရစ်ယာန်ဘုန်းတော်ကြီးများကို တင်သွင်းရတယ်လို့ ဆိုပါတယ်။

Freising မှာ သာသနာဆိုင်ရာ တာဝန်ထမ်းဆောင်နေတဲ့ ဘုန်းတော်ကြီးများဟာ အများအားဖြင့် အာရှဒေသကနေ လာရောက်အမှုထမ်းတဲ့ ဘုန်းတော်ကြီးတွေ များတယ်လို့ သိရတယ်။ လခကလည်း အရမ်းမြင့်တော့ ဒီမှာ အမှုတော်ထမ်းလိုတဲ့ ဘုန်းတော်ကြီးတွေလည်း အတော်များတယ်လို့ ဆိုပါတယ်။ မြန်မာနိုင်ငံမှာ အချို့ဆရာတော်များ ပူပန်နေကြသလို ဒီက သာသနာဆိုင်ရာမှာလည်း ဘုန်းကြီးတွေ နည်းလာလို့ စိတ်ပူနေကြရတယ်လို့ ဆိုပါတယ်။

(၄)
မြန်မာနိုင်ငံက ကျေးရွာတွေမှာ ကိုရင်နည်းလာတဲ့ကိစ္စကို ဒီက ဂျာမန်ရဟန်းတော်နဲ့ ပြောဖြစ်တော့ ကောင်းပါတယ်၊ ဒါ သဘာဝကျပါတယ်တဲ့။ ဘာဖြစ်လို့လဲဆိုတော့ တိုးတက်တဲ့တိုင်းပြည်တိုင်းဟာ ဘာသာတရားဆိုင်ရာမှာ အပြောင်းအလဲတော့ ဖြစ်မှာပဲ။ မြန်မာနိုင်ငံချမ်းသာလာလေလေ ဘုန်းကြီးနည်းလာလေလေ ဖြစ်မှာပဲ။ ဒီတော့ အရေအတွက်ထက် အရည်အချင်း၊ စိတ်ဓာတ်ပိုင်းဆိုင်ရာ ပြည့်ဝတဲ့ ရဟန်းတွေ ပေါ်ထွက်လာမှာမို့ပါ။ စာရေးသူလည်း လက်ခံခဲ့ပါတယ်။ မရှက်တမ်း ဝန်ခံရရင် တို့ဆီမှာ အလုပ်လက်မဲ့တွေ အများကြီး မဟုတ်လား။ ဘာကြောင့် အလုပ်လက်မဲ့များနေသလဲ။ အရည်အချင်းနဲ့စိတ်ဓာတ်ပိုင်းကိုပဲ ပြရမယ်ထင်တယ်။

(၅)
စာရေးသူဟာ (အီဇာညနေခင်းများ ဆောင်းပါးထဲမှာ ဆိုခဲ့သလို) ညနေတိုင်း လမ်းလျှောက်ဖြစ်တယ်။ လမ်းလျှောက်လိုက်တိုင်း နေရာအနှံ့မှာ တွေ့နေရတာက ခရစ်ယာန်ဆိုင်ရာ အမှတ်အသားတွေ၊ ခရစ်တော်ပုံတွေချည်းပါပဲ။ ဒါတွေကို မြင်တော့ မြန်မာနိုင်ငံက နောင်တော်တစ်ပါး ပြောတာကို သွားအမှတ်ရနေမိတတ်တယ်။ ကိုယ်တော် ကုလားတွေ သူ့သာသနာ သူပြုတာ၊ ဘာလို့ စကားထဲ ထည့်ပြောနေလဲ၊ တို့ ဗုဒ္ဓဘာသာတွေလည်း သူများဆီ သွားပြီး သာသနာပြုနေတာ မဟုတ်လားတဲ့။ ဘာဖြစ်လို့အဲဒီလို သူ ပြောတာလဲဆိုတော့ ကုလားမကောင်းကြောင်း ပြောသူဆိုရင် သူက အလွန်အမြင်ကပ်နေတာကိုး။

(၆)
တကယ်တော့ ဒီမှာ လာနေတယ်၊ သာသနာပြုတယ်ဆိုတာ အချို့ဘာသာတွေ သာသနာပြုသလို လာပြုနေတာ မဟုတ်ပါဘူး။ ငြိမ်းငြိမ်းချမ်းချမ်း၊ ကြည်ကြည်သာသာနဲ့ ဗုဒ္ဓဘာသာအကြောင်း သိချင်သူတွေကို ကူညီပေးနေခြင်းပါပဲ။ စာရေးသူ ဒီကို ရောက်ပြီး ကြိုဆိုပွဲကတည်းက ဒီကိုလာတာဟာ ခရစ်ယာန်နဲ့အခြားဘာသာဝင်တွေကို ဗုဒ္ဓဘာသာအဖြစ် ပြောင်းလဲပေးဖို့ လာတာ မဟုတ်ကြောင်း၊ ဗုဒ္ဓဘာသာကို လေ့လာလိုသူများအတွက် အကူအညီဖြစ်စေဖို့ ရောက်လာခြင်း ဖြစ်ကြောင်း ပြောခဲ့ပါတယ်။

အချို့ဘာသာတရားဆိုရင် အားလုံး သိတဲ့အတိုင်းပဲ။ သူတို့ တရားကို နားလည်သဘောပေါက်ပြီး အဲဒီဘာသာဝင် ဖြစ်သူဆိုတာ မကြားဖူးပေမဲ့ (အနည်းငယ်သာ ကြားဖူးပေမဲ့) တစ်နှစ်ပြီးတစ်နှစ် အဲဒီဘာသာဝင်လူဦးရေက ဗုံးပေါက်သလို ပေါက်ကွဲနေတာ။ ဗုဒ္ဓဘာသာသာသနာပြုခြင်းဟာ အဲဒီဘာသာ သာသနာပြုခြင်းနဲ့တော့ လားလားမျှ မသက်ဆိုင်ပါကြောင်း နောင်တော်ကြီးကို သိစေချင်ခဲ့ပေမဲ့ မပြောဖြစ်ခဲ့ပါ။

(၇)
တစ်ရက်က ကျောင်းကို မကြာခဏ လာတတ်တဲ့ ဗုဒ္ဓဘာသာဂျာမန်ဒကာတစ်ဦး ပြောတာလေးလည်း သဘောကျလို့ ပြန်ပြောပါရစေ။ သူဆိုရင် ထိုင်းကို အလည်သွားရင်း ဗုဒ္ဓဘာသာကို စိတ်ဝင်စားလို့ လေ့လာရင်းနဲ့ ဗုဒ္ဓဘာသာဖြစ်လာခဲ့သူပါ။

တစ်နေ့မှာ သူ့သူငယ်ချင်းက ငါတို့ ဖရိုက်ဇင်းက ခရစ်တော်ရဲ့ အရိပ်အောက်မှာ သာယာပြီးသား၊ မင်းတို့ ဒီမှာ ကျောင်းလာတည်ထောင်တာဟာ စိတ်ကူးယဉ်တာပဲလို့ ပြောသတဲ့။ ဒါနဲ့ သူက ခရစ်တော်ရဲ့ အရိပ်အောက်မှာဆိုတာ ဟုတ်လို့လား။ လူဦးရေ အများစုက ခရစ်ယာန်ဘာသာဆိုတာ ငါ လက်ခံတယ်။ ဒါပေမဲ့ ခရစ်ယာန်ကို အပြည့်အဝ ယုံကြည်သူက ၅ဝ ရာခိုင်နှုန်းတောင် ရှိရဲ့လား။ မတည်ငြိမ်တဲ့အရှေ့အလယ်ပိုင်းကနေ လွင့်စဉ်လာတဲ့ လူတွေနဲ့ဘာသာတရားကိုးကွယ်သူတွေ တိုးပွားလာမှုကရော ဖရိုက်ဇင်းရဲ့ လမ်းမတွေကို အသွင်ပြောင်းစပြုနေပြီဆိုတာ မင်းလည်း သိပါတယ်။

သာယာပျော်ရွှင်ဖွယ်ဖြစ်တဲ့ ဥယျာဉ်တစ်ခု ဖြစ်ဖို့အတွက် ငါတို့ ဖရိုက်ဇင်းဆိုတဲ့ ဥယျာဉ်ထဲမှာ ပန်းပေါင်းစုံ ပွင့်နေဖို့ လိုတယ်။ ငါတို့က ခရစ်တော်ကို ယုံကြည်သူများကို “လာပါ၊ အဲဒါ မကောင်းဘူး၊ ဗုဒ္ဓဘာသာ လာကိုးကွယ်ပါ”လို့ ဘယ်တော့မှ မပြောဘူး။ သူတို့ လိုအပ်လို့ အကူအညီတောင်းလာတဲ့အခါမှသာ ငါတို့က သူတို့ဆန္ဒကို ဖြည့်ပေးချင်တာလောက်ပါပဲ … စသဖြင့် သူ ပြောခဲ့တာတွေကို ပြန်လည်ဖောက်သည်ချနေခဲ့ပါတယ်။ စာရေးသူကလည်း အတွေးချင်းထပ်တူထပ်မျှဖြစ်ပါကြောင်း ပြန်ပြောလိုက်တယ်။

(၈)
ဖရိုက်ဇင်းသမိုင်းစာအုပ်လေး ကောက်ကိုင်ဖတ်ရှုပြီး ထွက်ပေါ်လာတဲ့ အတွေးစလေးတွေပါ။ ဘာပဲဖြစ်ဖြစ် ဂျာမန်ဒကာပြောတဲ့စကားထဲကလို ဖရိုင်းဇင်းပန်းဥယျာဉ်ထဲမှာ လူတွေ စိတ်ကြည်နူးစေမယ့် ပန်းတစ်ပွင့်အဖြစ်ကနေ ဦးတည်ချက်ပြောင်းမသွားအောင် ကိုယ့်ကိုကိုယ် ပျိုးထောင်နေရဦးမှာပါ။

(၉)
စာကြည့်တိုက်ထဲက ထွက်တော့ နေကို မမြင်ရတော့ဘူး။ ဒါပေမဲ့ အလင်းတော့ ရှိနေဆဲပဲ။ Free+sing ဆိုတဲ့အသံလေးကလည်း တိုးတိုးလေး ထွက်လာတယ်။

အရှင်ကုသလသာမိ (အတည်မဲ့)
၁၅၊ ဝ၅၊ ၂ဝ၁၄

No comments:

နမော တဿ ဘဂ၀တော အရဟတော သမ္မာသမ္ဗုဒ္ဓဿ

LinkWithin

Related Posts with Thumbnails