Thursday, December 15, 2011

မဟနလား ... သွား ....

သမိုင်းရဲ့ အမည်းစက်ဖြစ်မှာ စိုးရိမ်ပေမယ့် တကယ့်ကို မဟာအမည်းစက် ဖြစ်ခဲ့ပြီ။ နိုင်ငံတော် သံဃမဟာနာယက အဖွဲ့တဲ့။ စက်တင်ဘာ သံဃာ့အရေးအခင်းမှာလည်း ကိုယ့်ပေါင်ကို လှန်ထောင်းတာဖြစ်မှာစိုးလို့ နည်းနည်းပဲ ပြောခဲ့တယ်။ ပြည်သူတွေကလည်း ခပ်ကြိတ်ကြိတ်ပဲ အံကျိတ်ပြီး သည်းခံခဲ့တယ်။ အခုလည်း ရွှေည၀ါဆရာတော်ကို ထုတ်ပြန်လိုက်တဲ့ ထုတ်ပြန် ချက်က အတော်ကို ကျက်သရေမဲ့နေတယ်။ ဖတ်ရသူတိုင်းက မဟနဆိုတာ ဘာလဲ၊ ဘယ်လဲ မေးကုန်ကြပြီ။

အပြောင်းအလဲလေးတွေ တွေ့လာရပြီဆိုပြီးတော့ ပြည်သူတွေ မျှော်လင့်ချက်လေးတွေ နည်းနည်းဖြစ်လာနေတဲ့အချိန်၊ လူတိုင်းက အမှန်တရားဘက် ရဲရဲဝံ့ဝံ့ ရည်တည်လာတဲ့အချိန်မှာ ဒီ မဟနအဖွဲ့က ဘာဖြစ်လို့ အခုချိန်ထိ ညစ်ပတ်စုတ်ပဲ့နေရသလဲ။

ရွှေည၀ါဆရာတော်လုပ်ဆောင်နေတဲ့ လုပ်ဆောင်ချက်တွေကို ပြည်သူတွေ၊ ရဟန်းပရိသတ်၊ လူပရိသတ် အားလုံးက သာဓုခေါ်နေကြတဲ့အချိန်။ အမှန်တကယ်လည်း ရွှေည၀ါလုပ်ဆောင်ချက်တွေက မွန်မြတ်လှပါတယ်။ သံဃာအပါး ၁၀၀၀-ကျော်ကို စာသင်နေတယ်။ သာဓုကျောင်းတိုက်မှာ နေ့စဉ်နဲ့အမျှ သံဃာတွေ စာပေလိုက်စားနေကြတယ်။

သာသနာမှာ ဓမ္မန္တရာယ်၊ ဓမ္မန္တရာယ်နဲ့ ပြောနေကြတယ်။ အဲဒီ မဟနတွေ နားလည်သလား၊ သို့မဟုတ် နားလည်ပေမယ့် မနာလိုမှုတွေ ရင်ဘတ်အပြည့် သိုသိပ်ပြီး “စာသင်တာတွေ ရပ်”လို့ အမိန့်ပေးရသလား။ စစ်အာဏာရှင်များ လက်အောက်မှာ စစ်အာဏာရှင်များ အလိုကျ ဆုံးဖြတ်ရတယ်ဆိုရင် မဟနကို သည်းခံပေးစရာအကြောင်း ရှိသေးတယ်။ အ ခုလို နယ်ပယ်ပေါင်းစုံ၊ သတင်းဂျာနယ်များ၊ အနုပညာရှင်များပါ မကျန် အပြောင်းအလဲအကြောင်းကို ရဲရဲဝံ့ဝံ့ ပြောင်ပြောင်တင်းတင်း ပြောနေကြတဲ့အချိန်မှာ နိုင်ငံတော် တိုးတက်ရေး၊ လူငယ်စာရိတ္တပြုပြင်ရေးတွေ ဟောနေတာကို ဘယ်လိုသဘောနဲ့ ပိတ်ပင်ရပါသလဲ။ ဘယ်လို နားလည်ရမလဲ။

ဒီနေ့ ရွှေည၀ါဆရာတော်ရှိရာ သာဓုပရိယတ္တိကျောင်းတိုက်ကို ရောက်တော့ လူတွေ ပြည့်နေပါတယ်။ တစ်နေ့လုံး ပြည့်နေတယ်လို့ ဆိုပါတယ်။ “ဦးကုသလရေ .... တပည့်တော်ကို အခုလို စိုးရိမ်ပေးတဲ့ ပြည်သူတွေ၊ သံဃာတွေကို တပည့်တော် ကျေးဇူးတင်ပါတယ်။ တပည့်တော်အလိုအရဆိုရင်တော့ ထောင်ထဲပဲ သွားတော့မယ်။ ဘယ်တော့မှ အညံ့မခံဘူး၊ အောက်မကျို့ဘူးလို့ပဲ။ ဒါပေမယ့် သံဃာတွေရဲ့ မျက်နှာ၊ သူတို့ရဲ့ ရှေ့ရေးကို ငဲ့ပြီး တပည့်တော် စာရေးနေတယ်”လို့ မိန့်ပါတယ်။ “ဆရာတော် .... ဆရာတော့်ဘက်မှာ မြန်မာတစ်မျိုးသားလုံး ရှိပါတယ်။ (မဟန မပါ) သံဃာတွေက ဆရာတော့်ဘက်မှာ ရှိပါတယ်”လို့ပဲ ဆရာတော့်ကို လျှောက်ထားမိပါတယ်။

မဟနက ထုတ်ထားတဲ့ စာကိုတော့ စာဖတ်သူများ ဒီလင့်ကနေ သွားကြည့်နိုင်ပါတယ်... လိုင်းတွေမကောင်းလို့ ပုံတွေ တင်မရတာနဲ့ လင့်ပဲ ပေးလိုက်တယ်။

ရွှေည၀ါဆရာတော် စာသင်သား သံဃာအပါး ၁၀၀၀ ကျော်ကို စာသင်နေတာကို ရပ်ခိုင်းတာ၊ အနှောက်အယှက်ပေးတာဟာ ဓမ္မန္တရာယ်ဖြစ်၊ မဖြစ် လူငယ်စာသင်သားတွေတောင် သိနေကြပြီ။ ဒီ မဟနတွေကတော့ ....

မဟနရဲ့ ဒီသမိုင်းအမည်းစက်ကြီးကတော့ ဘာသာခြားတွေရှေ့မှာ ဘယ်လို မျက်နှာမျိုးနဲ့ ဗုဒ္ဓဘာသာဟာ မြန်မာတွေရဲ့ ရှေ့ဆောင်လို့ ပြောနိုင်တော့မလဲ .... ဗုဒ္ဓဘာသာဟာ တိုင်းပြည်နဲ့လူမျိုးအကျိုးကို ကာကွယ်နေပါတယ်လို့ ပြောဖို့ဆိုရင် ဒီမဟနရဲ့ လုပ်ရပ်တွေက ကန့်လန့်ခံနေတော့မယ်။ အတော်ရှက်ဖို့ ကောင်းပါတယ်။

ဒီလိုတွေ ပြောလို့ အင်းစိန်သွားရမယ်၊ အ၀ီစိသွားရမယ်ဆိုရင် ရှင်ကုတို့ ထိပ်ဆုံးတန်းက ပျော်ပျော်ကြီး သွားမယ် ....

6 comments:

သဒ္ဓါလှိုင်း said...

ဘုန်းဘုန်းဘုရား
မနေ့ကညထဲက ရွှေညဝါဆရာတော်အကြောင်းကြားပြီး နေလို့ထိုင်လို့မရဘူးဖြစ်နေတာ။ သာသနာ့အာဇာနည် အဖြစ် ကြည်ညိုလေးစားရင်းနဲ့ တဘက်ကလည်း အဓမ္မတွေက ဘယ်တော့များမှ.. ကွယ်ပျောက်ပါ့မလဲလို့။ ဘုန်းဘုန်းရဲ့ စိတ်ဓါတ်ကိုလည်း လေးစားကြည်ညိုရင်း လက်အုပ်ချီမိုး ကန်တော့လိုက်ပါတယ်ဘုရား။
ရိုသေလေးစားလျက်
သဒ္ဓါ

Ashin Jagara said...

ငါလည်း လိုက်ဦးမှာနော်။
အဲဒီ ငရဲက သိပ်လှတယ်။
ဇာဂရဗုဒ္ဓိ

ဘ၀အလင်းရောင် said...

သူငယ်ချင်းရေ ဟုတ်သဟ
(လောင်းလုံ)

aye said...

မမှန်တာကို မမှန်ဘူး။ မှန်တာကို မှန်တယ် ပြောရဲတာ သူတော်ကောင်းအလုပ်ပါ ဦးဇင်းဘုရား။ တပည့်တော် ထောက်ခံတယ်။ ဆူပြန်ရင် လည်း အာဏာ အသိမ်းခံရ ဦးမယ်။ ဘေးကျပ်နံကျပ် အခြေအနေ ရောက်နေပြီနော် ဦးဇင်းဘုရား။ တပည့်တော်လည်း ရွှေည၀ါဆရာတော်ကြီး အတွက် ခံပြင်းနေတာ။

Taw Lu Thit said...

ရွှေည၀ါ ဆရာတော်ကြီးနဲ့ ဆရာတော်တို့ လို သံဃာတော်တွေ ရှိနေသ၍ မတရားတဲ့ မဟန တချိန်မှာ ပျောက်သွားမှာပါ အရှင်ဘုရားရဲ့ ကုသိုလ်တရားဖက်က ရပ်တည်မှု့ အကုသိုလ်တရားဖက်ကို ဆန့်ကျင့်မှုကို တပည့်တော်လဲ ထောက်ခံပါတယ် ဘုရား..

MoeMaKa said...

တပည့်တော်တို့ မိုးမခမှာ အရှင်စာ ကူးယူတင်ဆက်ထားပါတယ်။ ကျေးဇူးတင်ပါတယ်။
မောင်ရစ်
မုိုးမခသတင်းဌာန

နမော တဿ ဘဂ၀တော အရဟတော သမ္မာသမ္ဗုဒ္ဓဿ

LinkWithin

Related Posts with Thumbnails