Dictionary/အဘိဓာန်

Blogspot Dictionary

Blogspot Dictionary

Sunday, January 3, 2010

စင်္ကာပူက ရင်ခုန်သံများနှင့် ဦးညွှတ်အလေးပြုမိသော စကားတစ်ခွန်း



စကားဆိုတာ နေ့တိုင်းပြောနေရတာဖြစ်လို့ နေ့တိုင်းကြားနေရတယ်။ ကောင်းတဲ့စကား၊ မကောင်းတဲ့စကား။ ပြောနေရသလို ကြားလည်းကြားနေရတာပဲ။ တစ်ခါတစ်လေ ပုံမှန်လည်ပတ်မှုအတိုင်း ဘာမှမထူးဆန်းသလို တစ်ခါတစ်လေတော့လည်း ထူးဆန်းတယ်။ အများအားဖြင့်တော့ ထူးထူးဆန်းဆန်း သို့မဟုတ် မှတ်သားဖွယ်ရာစကားဆိုတာ နေ့စဉ်ကြားရဖို့ မလွယ်ဘူး။

စင်္ကာပူရဲ့ မနက်ခင်းက အေးမြသာယာနေတယ်။ ကျောင်းရှေ့က လမ်းမပေါ်က ကားသံများနဲ့ ပတ်ဝန်းကျင်တရုတ်ကျောင်းက ဘုရားစာရွတ်သံများမှလွဲပြီး ဘာဆူဆူညံညံမှ မရှိ။ ပကတိအေးချမ်းနေပါတယ်။ သင်္ကန်းများရုံပြီး ဆွမ်းစားပင့်သူကို စောင့်ဆိုင်းနေခဲ့တယ်။ ထိုစဉ် “တပည့်တော်တို့ ကျောင်းနားရောက်နေပါပြီ”ဆိုပြီး ဆွမ်းစားပင့်သူက ဖုန်းဆက်အသိပေးပါတယ်။ “ဦးသုတရေ..ဆင်းခဲ့တော့ အားလုံးအဆင့်သင့်ဖြစ်နေပြီ”လို့ လှမ်းအော်မှ အပေါ်က သံဃာတွေ ကြွလာပြီး လာပင့်တဲ့ကားနဲ့ ဆွမ်းစားအိမ်ကို ဆက်သွားခဲ့ကြတယ်။

ရှေ့ခန်းက ဆရာတော်၊ နောက်က ဦးသုတအပါအ၀င် သုံးပါး။ ကားလေးက ညီညာပြန့်ပြူးတဲ့လမ်းမကြီးထက်မှာ အလျင်အမြန် ရွေ့လျားနေခဲ့တယ်။ ကားထဲမှာလည်း ဆရာတော်က စကားတစ်ခွန်းမှ မဟ၍ ဘယ်သူမှ စကားမစရဲ။ တိတ်ဆိတ်နေတယ်။ ဆရာတော်ကလည်း တရားနှလုံးသွင်းနေသည်လား မပြောတတ်။ မျက်လုံစုံမှိတ်ပြီး လိုက်ပါတယ်။

“နောက်က ဦးဇင်းတို့က ဘယ်ကကြွလာတာလဲဘုရား”။ ကားသမားက တိတ်ဆိတ်မှုကို ဖြိုခွဲလိုက်တယ်။ “ဦးဇင်းကတော့ မြန်မာနိုင်ငံက ကြွလာတာပါ”။ “အော်…ဦးဇင်းက သီရိလင်္ကာမှာ စာသင်ပြီး ကြွလာတာ”။ “ဒါနဲ့ဘုရား…ဟို ဦးသန်းရွှေ လာတော့ ဦးဇင်းတို့ အဲဒီမှာ ရှိမှာပေါ့”။ “မရှိဘူးဗျ”။ “ဦးဇင်းက မလေးရှားမှာ ရောက်နေခဲ့တာလေ”။ ဦးသုတ ဆရာတော်ဘက်ကို တစ်ချက်လှည့်ကြည့်လိုက်တော့ ဖျက်ခနဲ့ ခေါင်းထောင်ပြီး ဆရာတော်မျက်လုံး ဆက်ခနဲဖွင့်လိုက်တာကို သတိပြုမိခဲ့တယ်။ ဒါပေမယ့် တိတ်ဆိတ်နေဆဲ။

“အေးဗျာ….ကျုပ်တို့ ရှုံးတယ်ဗျာ။ ရှုံးတာမှ ဂိုးပြတ်ကို ရှုံးခဲ့တာပါ။ ၁၅၀+၈၀ တဲ့ဗျာ။ ခြေလည်းရှုံး ဂိုးလည်းရှုံးဆိုတာ ဒီပွဲကို ပြောတာဗျ။ ဒီရှုံးပွဲကတော့ မြန်မာ့သမိုင်းမှာ ဘယ်လိုမှ ဖျောက်လို့ ရတော့မှာ မဟုတ်ဘူး”။ ဦးဓမ္မ ရင်ထဲက ခံစားချက်တွေကို ဖွင့်အံပြနေပါတယ်။ ဘယ်သူမှ စကားမဆက်ကြ။ ဆရာတော်အခြေအနေကို ကြည့်ပြီး သူကပဲ ဆက်ပြောနေပါတယ်။ “ဦးဇင်းဖြင့်ဗျာ…ခုချိန်ထိ အဲဒီအကြောင်းတွေးရင်း ရင်ထဲမှာ လှိုက်နေအောင် ခံစားနေရဆဲပဲ။ စက်တင်ဘာရဲ့ အငွေ့အသက်တွေ၊ စက်တင်ဘာမှာ ငိုကြွေးခဲ့ရတဲ့ မျက်ဝန်းတွေ၊ လမ်းမပေါ်မှာ ကျနေခဲ့တဲ့ သံဃာတော်၊ ပြည်သူများရဲ့ သွေးတွေ၊ ချွေးတွေ၊ မကောင်းဆိုးဝါးကမ္ဘာမှာ ရောက်နေရသလို ဖြစ်နေရတဲ့ ပြည်သူတွေ၊ အိုဗျာ….တွေးမိတိုင်း အသဲနာပါတယ်”။ ဆရာတော်ဆီက ဘာသံမှ ထွက်မလာ၍ ဦးဓမ္မလဲ စကားကို ဖြတ်လိုက်တယ်။

ကားကလေးက တိတ်ဆိတ်စွာနဲ့ ဆက်လက်ပြေးနေဆဲ။ ဦးဓမ္မကတော့ စကားဖြတ်လိုက်ရပေမယ့် သူ့အတွေးက မပြတ်။ သူ့စိတ်အလျဉ်က အမိမြန်မာပြည်သို့ ရောက်နေခဲ့တယ်။ ဆင်းရဲကျပ်တည်းစွာ (ရှင်းရှင်းပြောရရင် လူလိုသူလို မနေရဘဲ) အသက်ဆက်နေရတဲ့ ကျေးလတ်ကပြည်သူတွေ၊ အသက်က ၁၄-နှစ်၊ အလုပ်အကိုင်က လယ်ထွန်၊ သစ်ခုတ်နေရတဲ့ လူငယ်လေးများ၊ အသက်က ၁၀-နှစ်၊ လဘက်ရည်ဆိုင်မှာ ကြမ်းကြမ်းတမ်းတမ်း ဘ၀ကို ရုန်းကန်နေရတဲ့ ညှိုးညှိုးရော်ရော်မျက်ဝန်းလေးများ၊ နေတဲ့အိမ်ကို အလကားမတ်တင်းနဲ့ သိမ်းသွားလို့ နေစရာအိမ်ပျောက်သွားရှာတဲ့ ဆွေးမြေ့ယိုင်နဲ့စွာ တုန်ခါနေတဲ့ ရင်ခုန်သံများ……အများကြီး….အများကြီး…..အတွေးတန်းထဲမှာ မျောနေခဲ့တယ်။ ကားကလေးက တိတ်ဆိတ်စွာ ပြေးလွှားနေဆဲ။

“တပည့်တော် ဂန္ဓာရုံကိစ္စ အရှင်ဘုရားတို့ သိပြီးဖြစ်မှာပေါ့။ လူညီချက်ကတော့ လက်လန်တယ်”။ ဦးစရိယက ဒုတိယမ္ပိ တိတ်ဆိတ်နေမှုကို ဖြိုခွင်းလိုက်ပြန်တယ်။ “အရှင်ဘုရား..လုပ်ပါအုံး။ တပည့်တော်တို့ သိရအောင် ဆိုပါအုံးဘုရား”။ ဦးသုတက စကားကမ်းလိုက်တယ်။ “ပြောရရင်တော့ အရှည်ကြီးပဲ။ အစဉ်တော့ ကျချင်မှ ကျမယ်။ တပည့်တော်ကိုယ်တိုင် ပါခဲ့တဲ့ပွဲဆိုတော့ အားလုံးကတော့ အမှန်တွေချည်းပဲ။ သံဃာ ၅၀၀-လောက်ရှိတာ ကိုယ်တော်ရာ ဘယ်လိုမှ ရှောင်လို့မရတဲ့ ဘုန်းကြီးနှစ်ပါးပဲ တက်တယ်။ အဲဒီကောင်တွေ ဆွမ်းကပ်မယ်လည်းဆိုရော ကျောင်းထဲမှာ ဟိုနားကျိတ်ကျိတ်၊ ဒီနားကျိတ်ကျိတ်နဲ့ တီးတိုးစကားတွေ ပြောနေခဲ့ကြတယ်။ ပြောနေတဲ့စကားတွေရဲ့ အဓိကစကားကတော့ ဒို့ မတက်သင့်ဘူးဆိုတာပဲ။ ဒါနဲ့ တပည့်တော်တို့လည်း အေး…ဟုတ်ပြီကွာ။ မတတ်ကြတော့ဘူးပေါ့။ ကျောင်းဝေယျာဝစ္စ၊ စာဝါကိစ္စ အားလုံးက ပုံမှန်ပဲ။ ဒီလိုနဲ့ ၁၁-နာရီထိုးလာခဲ့တယ်။ ဆွမ်းကျောင်းက တုန်းမောင်းခေါက်လိုက်တယ်။

သံဃာတော်တွေအားလုံးက တိတ်ဆိတ်စွာ၊ ငြိမ်သက်စွာ။ (ဂန္ဓာရုံထုံးစံအတိုင်း) စီတန်းညီညာစွာ မှောက်ထားတဲ့ သပိတ်စင်ပေါ်က သပိတ်တွေကလည်း ငြိမ်သက်စွာ။ တိတ်ဆိတ်စွာပေါ့။ တော်တော်အားရစရာကောင်းပါတယ် ကိုယ်တော်ရာ။ ဦးဇင်းတို့ သီဟိုဠ်က ကျက်သရေတုံးတဲ့ အဖြစ်အပျက်နဲ့တော့ ကွာပါ့”။ ဦးစရိယက သူ့အတွေ့အကြုံများကိုပြောရင်း ဘေးက ဦးသုတကို ခနဲ့သလိုလို နောက်သလိုလိုနဲ့ ဆက်ပြောနေခဲ့တယ်။
“အဲဒီမှာ ကိုယ်တော်ရေ…ဖြစ်ချင်တော့ ဆရာတော်ကလည်း အပြင်ဆွမ်းစားကြွသွားတာလေ။ …..အဆောင်က ဘုန်းကြီးလဲ ပါသွားတာ။ အဲဒီအဆောင်က သံဃာပေါက်စလေးတွေပဲ ရှိတာ။ ဒါနဲ့ သူတို့ကို ပြောဖို့တာဝန်ရှိတဲ့ဘုန်းကြီးက ဆွမ်းစားမသွားရင် ကျောင်းထုတ်မယ်ဘာညာနဲ့ဆိုတော့ ကိုယ်တော်လေးတွေက သပိတ်ကိုလှန်၊ သင်္ကန်းကို သပ်ရပ်စွာ၊ အနေကထိုင်လေးကို ပုခုံးပေါ်တင်…ညီညာစွာ ကျောင်းဆောင်ထဲက ထွက်လိုက်ကြတယ်။ ဒါနဲပဲ ကျန်တဲ့အဆောင်က သံဃာတွေက ဟ…ဘာလဲ အားလုံးက ညီနေကြတာ၊ သပိတ်မှောက်နေကြတာ၊ ဒီကိုယ်တော်တွေက ဘာလဲပေါ့။ ဒါနဲ့ လှမ်းအော်ပြောကြတယ်။ တစ်ခွန်းစ နှစ်ခွန်းစနဲ့ လှမ်းပြောတဲ့အသံတွေက ဆူညံသွားတော့တယ်။ ခံစားချက်ပြင်းတဲ့ ကိုယ်တော်တစ်ပါးနှစ်ပါးက စစ်သားတွေလာကြမ်းရင် ပြန်ခြိမ်းခြောက်ဖို့ဆိုပြီး ယူထားတဲ့ ခဲနဲ့လှမ်းပေါက်ပါလေရော။

ကိုယ်တော်တစ်ပါးကလည်း ဘာမပြောညာမပြောနဲ့ သူ့ဘေးမှာ ခဲမရှိတော့ ရှိတဲ့ဘေးနားက သပိတ်နဲ့ လှမ်းပေါက်လိုက်သေးတယ်။ ဒါနဲ့ပဲ ဆွမ်းကျောင်းကြွနေတဲ့ ကိုယ်တော်လေးတွေလဲ သူ့အဆောင်သူ ပြန်သွားခဲ့တယ်။ ခြုံကြည့်ရင် ပက်ပက်စက်စက် အောင်မြင်ခဲ့တဲ့ပွဲပဲ ကိုယ်တော်ရေ…။ ဒါက ဂန္ဓာရုံရဲ့ သမိုင်းမှာ ဘယ်လိုဖျောက်ဖျောက် မပျောက်တော့မယ့် သမိုင်းပဲ”။ ဦးစရိယက ဂုဏ်ယူစွာနဲ့ စကားကို ဆ-က်နေခဲ့တယ်။
“နောက် ၁၅-မိနစ်ဆို ရောက်တော့မယ်ဘုရား”။ ကားဆရာက လှမ်းပြောလိုက်တယ်။ ဘာမဆိုင်ညာမဆိုင် ဆရာတော် စကားတစ်ခွန်းမှ မဟတာကို ဦးသုတ စဉ်းစားနေခဲ့တယ်။ “ဟာ..ကိုယ်တော့် ကိုယ်တွေ့က ပြီးပြီလား။ ဒီမှာ နားထောင်လို့ကောင်းတုန်း ရှိသေးတယ်”။ ဦးဓမ္မက အသံမြှင့်ပြီး တိုက်တွန်းသံကြားလိုက်ရတယ်။ “ဒါပါပဲ ကိုယ်တော်ရာ…သမိုင်းဖြစ်စဉ်တစ်ရပ်အနေနဲ့ ဂုဏ်ယူစရာ ကောင်းပေမယ့် အယုတ်တမာကောင်တွေရဲ့ လူမဆန်မှုကြောင့် လက်တွေ့ စတေးသွားရတဲ့ ကိုယ်တော်လေးတွေလဲ ရှိခဲ့သပေါ့”။ “ဘယ်လို ဘယ်လို စတေးသွားရတာလဲ”။ “ဟာ ကိုယ်တော်ကလည်း စကားကို ဆုံးအောင်နားမထောင်ဘူး။ ဆက်ပြောမှာပေါ့။ သက်ပြင်းချစရာကောင်းတဲ့အကြောင်းအရာမို့ သက်ပြင်းချခွင့်လေးတော့ ပေးပါအုံး”။

“ကဲ…ဟုတ်ပါပြီဗျာ၊ ချ..ချ…ချ”။ “ဒီလိုနဲ့ ကိုယ်တော်ရေ…ဆွမ်းစားမတတ်တဲ့ ကိုယ်တော်တွေကို ဖမ်းဆိုပြီး အထက်က အမိန့်ချသတဲ့။ အဲဒီတော့ ပြောမှာပေါ့။ ဆွမ်းကျောင်းက အကုန်မတတ်တာ၊ ဘယ်လိုလုပ်မလဲပေါ့။ ဒါဆိုရင် ခေါင်းဆောင်တွေကို ဖမ်းပေါ့။ ခေါင်းဆောင်ဆိုတာကလည်း ကိုယ်တော်ရာ…ဒီကောင်တွေ ဦးနှောက်မရှိဘဲ ထင်ရာစိုင်းပြီး အမည်တပ်လို့သာပါ။ တကယ်တော့တပည့်တော် သိပါတယ်။ ခေါင်းဆောင်ဆိုတာ မပါပါဘူး။ အားလုံးနီးပါးက သူ့အသိစိတ်နဲ့သူ မတတ်ဘဲ နေခဲ့ကြတာ။ အဲဒါကတော့ တပည့်တော်ပြောရဲတယ်။ ဒါနဲ့ပဲ စစ်တပ်က ထုံးစံအတိုင်းပဲ အထက်လူကြီး မျက်နှာသာရအောင် သူတို့ဖာသာသူတို့ သံဃာစာရင်းကြည့်ပြီး အပါးသုံးဆယ်လောက်ကို ခေါင်းဆောင်ဆိုပြီး ရွေးလိုက်ကြတာပဲ။ အဲဒီတုန်းက ၂၆-ပါးလား မသိဘူး။ ထောင်ချခံခဲ့ရတယ်။ တော်တော် ခံစားရတယ် ဦးဇင်းရာ။ ဆွမ်းစားမတက်လို့ ထောင်နှစ်ရှည်ချခံရတာ ဒီနိုင်ငံနဲ့ ဒီအစိုးရပဲ ရှိမှာ”။

“ဟိုးရှေ့ အချွန်အတက်ကြီးနဲ့ တိုက်ဆိုရင် တပည့်တော်တို့အိမ်ရောက်ပြီဘုရား။ ဒါနဲ့ ဆရာတော်လည်း သီရိလင်္ကာက ကြွလာတာ မဟုတ်လားဘုရား”။ လမ်းတစ်လျှောက်လုံး တိတ်ဆိတ်စွာ လိုက်ပါလာခဲ့သော ဆရာတော်ကို ဒကာတော်က စကားကမ်းလိုက်သည်။ “အေး…ဟုတ်တယ်”။ “ဦးသန်းရွှေလာတုန်းက ဆရာတော်လည်း ရှိခဲ့တယ်ပေါ့”။ “အေး..ရှိတာပေါ့”။ “အေးနော်…ဆရာတော် တက်စားတဲ့ ကိုယ်တော်လေးတွေလည်း အပြစ်တော့ မဆိုသာပါဘူး။ သူတို့လည်း ဒီအစိုးရကို အားမပေးသင့်ဘူးဆိုတဲ့ အသိစိတ်တော့ ရှိကြလောက်ပါတယ်။ သူတို့ခမျာ ကျောင်းစရိတ် သုံးစရာ မရှိလို့ ဖြစ်မှာပါ”။

တစ်လမ်းလုံး နောက်ကပြောနေခဲ့တဲ့စကားတွေကနေ ခံစားချက်တွေ ကူးစက်သွားခဲ့လို့လား မပြောတတ်။ ဆရာတော်ဆီက ထွက်ကျလာတဲ့ တစ်ခွန်းတည်းသောစကားကတော့ ဦးသုတအတွက် တစ်သက်စာ မမေ့တောမှာ သေချာတယ်။

“ထောက်ပံ့တဲ့ စပွန်ဆာမရှိဘဲ သီဟိုဠ်ကို ဘယ်သူတောင်းစားမှ ပညာသွားမသင်ဘူး။ ဒကာရဲ့”

မှတ်ချက်။ ။ ပြောခဲ့သောစကားများက အမှန်အကန်ဖြစ်ပြီး အစီအစဉ်တင်ပြပုံမှာ ဖန်တီးထားပါတယ်။

No comments: