Tuesday, May 5, 2009

ချစ်ခြင်းတရားနောက်ကို လိုက်လိုသူ သို့မဟုတ် Hsin Tao နှင့် တွေ့ဆုံခြင်း


ဦးဇင်းရဲ့နိဒါန်း

ကန္နီနည်းနဲ့ စိတ္တလတောင်မှာ တရားအားထုတ်ခဲ့တဲ့ အတွေ့အကြုံဆောင်းပါးလေးတွေ အဆက်မပြတ် တင်သွားဖို့ စိတ်ကူးထားတာ။ အမှတ်မထင် အင်တာနက်စာမျက်နှာတစ်ခုမှာ အောက်ပါ အင်တာဗျူးတစ်ခုကို သွားတွေ့မိတယ်။ အင်တာဗျူးက ဦးဇင်းကို တော်တော်လေး ဆွဲဆောင်သွားတယ်။ နောက်ပြီး သူက မြန်မာမှာ ဖွားပြီး စစ်အတွင်းမှာ ကလေးစစ်သားဖြစ်ခဲ့ရတယ်။ မြန်မာဖွားဆိုတော့ ဘာမဆိုင် ညာမဆိုင် ပိုစိတ်ဝင်စားမိတယ်။ ဦးဇင်းကလဲ မြန်မာဆိုတဲ့ အသံကြားရင် စိတ်က မရဘူး။ စိတ္တလတောင်မှာ နှစ်လတာ တရားအားထုတ်စဉ်ကတောင်မှ မြန်မာနိုင်ငံအခြေအနေကို မေ့လို့မရခဲ့ဘူး။

သမထကျင့်စဉ်တွေ ကျင့်ရင်း အလင်းနိမိတ်နဲ့ အနီးအဝေးနေရာတွေကို နိမိတ်ပို့လွှတ်ရတဲ့အခါမှာ နတ်ပြည်တွေကိုလဲ သွားရောက်လို့ ရခဲ့တယ်။ အဲဒီလို အဆင့်ရောက်ရင် ကိုယ်သိချင်တဲ့ ပုဂ္ဂိုလ်ရဲ့ ရောက်နေတဲ့နေရာကို အာရုံပြုနိုင်တယ်လို့ ဦးဇင်းရဲ့ ဆရာတော် ဘုန်းကြီးဦးဇနိတက မိန့်တော့ ဦးဇင်းပထမဆုံး ကြည့်ချင်မိတာက ဗိုလ်ချုပ်အောင်ဆန်းပါ။ ဦးဇင်းဟာ ဗုဒ္ဓတရားတော်တွေနဲ့သာ ရင်းနှီးကျွမ်းဝင်မှုမရှိခဲ့ဘူး၊ ဗုဒ္ဓတရားတော်တွေကိုသာ မသိခဲ့ဘူးဆိုရင် ဗိုလ်ချုပ်ကို ဘုရားလို ကိုးကွယ်ဖြစ်မှာပါ။ ဒီဘက်ခေတ်တွေမှာ ဗိုလ်ချုပ်အောင်ဆန်းကို ချောင်ထိုးနေတာတွေ့တော့ စိတ်ထဲမှာ ဘယ်လိုမှ ဖြေမဆည်နိုင်ဖြစ်ရပါတယ်။ ဘာမှမတတ်နိုင်တော့လဲ လက်ပိုက်ကြည့်နေရတော့တာပဲ။

ဒီလိုအခြေအနေကြားထဲမှာ ရဟန်းတော်တစ်ပါးဖြစ်လာတဲ့ ဦးဇင်းအတွက် `ဘာသာရေးဟာ အမျိုးသားရေးနဲ့ တသီးတသန့် ရှိမနေသင့်ဘူး´လို့ ကိုယ့်ဘ၀လမ်းကြောင်းတစ်ခုကို ချမှတ်လိုက်ရတော့တယ်။ ဒီအတွက်လဲ သာသနာနဲ့နိုင်ငံရေးဆိုပြီး အခန်းဆက်ဆောင်းပါးတွေ ရေးဖူးပါတယ်။ Dharma Master Hsin Tao ဟာလဲ ဘာသာရေးကို လောကအရေးနဲ့ ခွဲခြားလို့ မရစကောင်းဘူးလို့ ခံယူထားသူဆိုတာ ထင်ရှားနေပါတယ်။ သူဟာ သာမန်ရဟန်းတော်တွေတောင် မကျင့်သုံးနိုင်တဲ့ ဓုတင် ၁၃-ပါးမှာ ၁၁-ပါးကို နှစ်ပေါင်းများစွာ ကျင့်သုံးခဲ့တဲ့ ရဟန်းတော်တစ်ပါး ဖြစ်ပါတယ်။ ဒါပေမယ့် သူဟာ လောကအရေးမှာ ဘယ်လောက်အာရုံစိုက်နေသလဲဆိုတာကို အောက်မှာတွေ့ရမယ့် သူ့စကားတွေကြည့်ရင် သိသာပါတယ်။ ကိုယ်ခံယူထားတဲ့ လမ်းစဉ်နဲ့ ဒီလိုဒီလို ကိုက်ညီနေလို့ ဦးဇင်းသဘောကျမိတာလဲ ဖြစ်ကောင်းဖြစ်ပါလိမ့်မယ်။

ဘာပဲဖြစ်ဖြစ် Dharma Master Hsin Tao ရဲ့ လောကအမြင်၊ ဘ၀အမြင်အချို့ဟာ စာဖတ်သူရှေ့ကို ရောက်လာပါပြီ။ ကိုယ်တိုင် ဖတ်ရှုပြီး ဘ၀အမြင်အချို့ ရရှိသွားကြလိမ့်မယ်လို့ မျှော်လင့်ပါတယ်။

သူ့ရုပ်ပုံလွှာ

Dharma Master Hsin Tao ဟာ ကလေးစစ်သား ပပျောက်ရေးအတွက် တိုက်ပွဲဝင်ရာမှာ စံပြပုဂ္ဂိုလ်တစ်ဦး ဖြစ်ပါတယ်။ သူဟာ ဘာသာတရားတွေအချင်းချင်း နားလည်မှုရရှိရေးနဲ့ ကမ္ဘာ့ငြိမ်းချမ်းရေးအတွက် တွန်းအားပေးနေသူလဲ ဖြစ်ပါတယ်။ သူဟာ မြန်မာနိုင်ငံမှာ မွေးဖွားပြီး လေးနှစ်သားအရွယ်မှာ မိဘမဲ့ကလေးတစ်ဦးအဖြစ် ရှင်သန်ခဲ့ရပါတယ်။ ကိုးနှစ်သားအရွယ်မှာ ပြောက်ကျားစစ်တပ်ထဲကို အတင်းအဓမ္မ သိမ်းသွင်းခံခဲ့ရပါတယ်။

စစ်တပ်တွေ ထိုင်ဝမ်ကို ပြန်ရုတ်သိမ်းမသွားခင်အထိ ခြောက်နှစ်တိုင်တိုင် ကလေးစစ်သားအဖြစ်နဲ့ အလုပ်လုပ်ခဲ့ရပါတယ်။ အသက်နှစ်ဆယ့်ငါးနှစ်မှာတော့ ဆင်းတာအိုဟာ (မဟာယာန)ဗုဒ္ဓဘာသာရဟန်းတော်တစ်ပါး ဖြစ်လာခဲ့ပါတယ်။ ရဟန်းဖြစ်ပြီးတဲ့နောက် ထိုင်ဝမ်က ဗုဒ္ဓဘာသာတက္ကသိုလ်မှာ ဗုဒ္ဓဘာသာနဲ့ပတ်သတ်ပြီး လေ့လာခဲ့ပါတယ်။ သူဟာ ၁၉၈၉ ခုနှစ်ကစပြီး နှစ်ပေါင်းများစွာ ခက်ခဲပြင်းထန်တဲ့ အကျင့်တွေကျင့်ရင်း လူသူမနီးတဲ့ တောအရပ်မှာ နေထိုင်သီတင်းသုံးခဲ့ပါတယ်။

နောက်ပိုင်းမှာတော့ ကမ္ဘာ့ဘာသာအချင်းချင်း နားလည်မှုရရှိရေးနဲ့ ငြိမ်းချမ်းရေးအတွက် အလွန်ကို ထက်သန်တက်ကြွသူ တစ်ဦးဖြစ်လာခဲ့ပါတယ်။ ၀ုရှန်းဗုဒ္ဓဘာသာကျောင်းတစ်ခုကို လင်းဂျီတောင်မှာ တည်ထောင်ထားပါတယ်။ ဒီတောင်က နှစ်နှစ်တာ ဓုတင်အကျင့်ဆောက်တည်ကျင့်သုံးခဲ့တဲ့ နေရာလဲ ဖြစ်ပါတယ်။ ဘာသာတရားအချင်းချင်း ချစ်ကြည်ရင်းနှီးမှုရအောင် မြှင့်တင်လုပ်ဆောင်နေတဲ့ သူ့ရဲ့ ကြိုးပမ်းမှုကို အသက်ဆက်တဲ့အနေနဲ့ ၁၉၉၅-ခုနှစ်မှာ ကမ္ဘာ့ဘာသာတရားများပြတိုက်(World Religions Museum)ကို တိုင်ပေမှာ တည်ထောင်ဖွင့်လှစ်ခဲ့ပါတယ်။ သူ့ကို Travis Rejmanက အင်တာဗျူးထားပါတယ်။

အမေးအဖြကဏ္ဍ

Travis Rejman = ဆရာတော် ဆင်တာအို၊ တွေ့ရတာ အလွန်ဝမ်းသာပါတယ်။ ယခင် ကလေးစစ်သားဘ၀က ရရှိခဲ့တဲ့အတွေ့အကြုံတွေနဲ့ပတ်သတ်ပြီး Goldin Institute Online အတွက် အင်တာဗျူးကို လက်ခံတဲ့အတွက်လဲ ကျေးဇူးအများကြီး တင်ပါတယ်။ ပထမဆုံး ကျွန်ုပ်တို့ရဲ့ ပရိသတ်ကြီးကို ဘာများ ပြောချင်ပါသလဲ။

Dharma Master Hsin Tao = လေးစားရပါသော ပရိသတ်ကြီး၊ ကျွန်ုပ်တို့ဟာ ကမ္ဘာကြီးကို ချစ်တယ်။ ကမ္ဘာကြီးကို ချစ်သလို ငြိမ်းချမ်းရေးကိုလဲ ချစ်တယ်။ လူသားတိုင်း ငြိမ်းချမ်းစွာ နေနိုင်ဖို့၊ ငြိမ်းချမ်းမှုထဲမှာ ထာဝရတည်ရှိနိုင်ဖို့အတွက်လဲ မျှော်လင့်ပါတယ်။ ငြိမ်းချမ်းတဲ့ မေတ္တာတရားတွေ ထွန်းကားတဲ့ သာတူညီမျှကမ္ဘာကြီးတစ်ခုကို ဖန်တီးနိုင်လိမ့်မယ်လို့လဲ ကျွန်ုပ်မျှော်လင့်နေပါတယ်။

Travis Rejman = ကျွန်ုပ် ရှေ့မှာ မျှဝေခဲ့သလိုပဲ ကလေးစစ်သားဟောင်းတွေ ပြန်လည်ပေါင်းစည်းခြင်းနှင့်သက်ဆိုင်တဲ့ အကြောင်းအရာတစ်ခုကို ရသတ္တပတ်လေးပတ် ပို့ချပေးဖို့ စီစဉ်နေပါတယ်။ ဒီအကြောင်းအရာနဲ့ ပတ်သတ်ပြီး ကျွမ်းကျင်တဲ့ပုဂ္ဂိုလ်တစ်ဦးဦးနဲ့ အင်တာဗျူးလုပ်ပြီး ပုံနှိပ်ထုတ်ဝေဖို့လဲ အစီအစဉ်ဆွဲထားပါတယ်။ ဆရာတော်နဲ့ အင်တာဗျူးခွင့်ရလို့ အကြောင်းနှစ်ချက်ကြောင့် အလွန့်ကို ပီတိဖြစ်မိပါတယ်။ ဆရာတော်ဟာ ဒီအင်စတီကျုနဲ့ နှစ်ပေါင်းများစွာကတည်းက မိတ်ဆွေဖြစ်ခဲ့တယ်။ ဒီအင်စတီကျုက ကလေးစစ်သားဟောင်းတွေကို ဘယ်လိုကြိုဆိုနေသလဲဆိုတာကို သိဖို့အတွက် ဆရာတော်မှာ အတွေ့အကြုံကောင်းတွေ အများကြီးရှိမယ်ဆိုတာကို ကျွန်ုပ်တို့ သိထားပါတယ်။

ဒုတိယအနေနဲ့ ကျွန်ုပ်တို့ စိတ်ဝင်အစားဆုံးအချက်ကတော့ ဆရာတော်အနေနဲ့ ကလေးစစ်သားဟောင်းဘ၀ကနေ ယခုလို ဗုဒ္ဓဘာသာအဖွဲ့အစည်းကြီးတစ်ခုရဲ့ ခေါင်းဆောင်အဖြစ် ဘယ်လိုရောက်ရှိလာသလဲဆိုတာကိုပါပဲ။

အထူးအားဖြင့် ဆရာတော့်ရဲ့ အတွေးအမြင်တွေကို မျှော်လင့်နေပါတယ်။ ကလေးစစ်သားပပျောက်ပြီး လူ့အခွင့်အရေးပြည့်ဝတဲ့ ငြိမ်းချမ်းတဲ့ဘ၀များ တည်ဆောက်နိုင်ရေးဆောင်ရွက်တဲ့နေရာမှာ ဘာသာရေးအဖွဲ့အစည်းတွေဟာ အခြားသောအဖွဲ့အစည်းတွေနဲ့ ဘယ်လိုလုပ်ပြီး အတူတကွ လုပ်ဆောင်နိုင်ကြသလဲ။

Dharma Master Hsin Tao = ကလေးစစ်သားဆိုတာ ပုံမှန်အားဖြင့်တော့ သူ့အလိုဆန္ဒမပါဘဲ ဖြစ်လာကြရသူတွေပါ။ ဆော့ကစားတဲ့အရွယ်ဖြစ်တဲ့ မိဘမဲ့ကလေးတွေက အများဆုံး ဖြစ်နေတတ်တာ တွေ့ရပါတယ်။ အဲဒီကလေးဟာ စစ်သားဖြစ်လာခဲ့ပြီးရင် မိသားစုဝင်တွေနဲ့ အဆက်အသွယ် ဖြတ်တောက်ခြင်းခံရပါတယ်။ စစ်သားဘ၀က မလွတ်မြောက်မချင်း သူဟာ တစ်ကောင်ကြွက်ဖြစ်ဖို့ပဲ ရှိပါတော့တယ်။ ဒါကြောင့် အဲဒီ စစ်သားကလေးဟာ မိသားစုဆီကနေ နွေးထွေးတဲ့ မေတ္တာဓာတ်တွေ ချို့ငဲ့နေလိမ့်မယ်ဆိုတာ ကျွန်ုပ်တို့ သေချာပေါက် ပြောနိုင်ပါတယ်။ ဒါ ရက်စက်မှုပါ။ ဒါပေမယ့် ကံကောင်းခြင်းတွေ ဆိတ်သုဉ်းခဲ့တော့ ကျွန်ုပ်တို့ဟာ ကလေးစစ်သားဆိုတာတွေ ဖြစ်နေခဲ့ရပါတယ်။
ကျွန်ုပ်ဆိုရင် ကလေးလေးဘ၀ကတည်းက ပြောက်ကျားတပ်ဖွဲ့ဝင် ဖြစ်နေခဲ့ရတယ်။ ကျွန်ုပ်တို့ဟာ စစ်မြေပြင်ကို သွားရတယ်။ ထရိန်နင်းတွေ ပေးခံရတယ်။ အန္တရာယ်အလွန်များတဲ့ အခက်အခဲအမျိုးမျိုးကို ကျော်လွှားခဲ့ရတယ်။

ကံကောင်းထောက်မစွာနဲ့ ကျွန်ုပ်ကတော့ အန္တရာယ်များတဲ့ ထရိန်နင်းတွေနဲ့ မကြုံတွေ့ခဲ့ရသလို ဘယ်သူ့ကိုမှလဲ သတ်ခွင့်မကြုံခဲ့ရဘူး။ ကျွန်ုပ် ကံကောင်းခဲ့ပါတယ်၊ အကာအကွယ်တွေလဲ အများကြီး ရခဲ့ပါတယ်။ . ကလေးစစ်သားများအနေနဲ့ ကျွန်ုပ်တို့ဟာ သင်င်္ခန်းစာတွေ အများကြီးရခဲ့ပါတယ်။ အများအားဖြင့်တော့ ဖမ်းဆီးခံထားရတဲ့ မိဘမဲ့တွေပါပဲ။ ဘာသာရေးရှုထောင့်အရဆိုရင် ကလေးတိုင်းကလေးတိုင်းမှာ မိဘရှိရမယ်၊ ပညာရေးကောင်းမွန်မှုရှိရမယ်၊ ခိုင်မာတဲ့ မိသားစုတစ်ခု ရှိရမယ်။ ကျွန်ုပ်တို့အားလုံး ဒါကို မျှော်လင့်ထားကြပါတယ်။

ကလေးတစ်ယောက်အနေနဲ့ စစ်သားဘ၀မှာ စိတ်ဓာတ်ပိုင်းဆိုင်ရာ ကျန်းမာသန်စွမ်းဖို့ဆိုတာ အလွန်ခက်ခဲပါတယ်။ ကျွန်ုပ်ကလေးစစ်သားဘ၀တုန်းက စစ်တပ်ထဲမှာ အများကြီး သင်ယူခဲ့ရပါတယ်။ စစ်တပ်ထဲမှာ ကြီးပြင်းပြီး အင်မတန်ကောင်းမွန်တဲ့ အခြေခံတွေ ရရှိခဲ့ပါတယ်။ ကျွန်ုပ်အထင် မိဘတွေပေးနိုင်တဲ့ အရာတွေထက်တောင် ပိုကောင်းနေပါတယ်။ စစ်တပ်ထဲမှာ အောင်မြင်မှုတစ်ခုရဖို့ဆိုရင် အသုံးပြုရတဲ့ နည်းစနစ်တွေက အများကြီးရှိပါတယ်။ စစ်အတွင်းမှာ အပျက်အစီးတွေ အတုန်းအရုန်း တွေ့မြင်ခဲ့ရတယ်။ အလောင်းတွေလဲ မမြင်ချင်အဆုံး။ မိဘတွေ ဆုံးပါးသွားတဲ့ လေလွင့်ကလေးငယ်တွေ အများကြီးကို တွေ့ခဲ့ရတယ်။

ကျွန်ုပ်လိုပဲ မိဘမဲ့ဖြစ်သွားခဲ့ရတဲ့ ကလေးတွေကို ကိုယ်တိုင် မြင်တွေ့ခဲ့ရတယ်။ ကျွန်ုပ်နဲ့အတူ မိဘမဲ့ကလေး ၁၀၀-လောက် စုပြီး နေထိုင်ကြရပါတယ်။ ဒါက ကျွန်ုပ်နဲ့အတူနေရတဲ့ အဖွဲ့လေးပဲ ရှိပါသေးတယ်။ ကျွန်ုပ်တို့ဟာ ညီရင်းအစ်ကိုလို ဆက်ဆံခဲ့ကြလို့ နေပျော်တဲ့ဘ၀လေးတွေ ရရှိခဲ့ကြပါတယ်။ ခုချိန်ထိ အဲဒီထဲက အချို့နဲ့ အဆက်အသွယ်ရှိဆဲပါပဲ။ မတူညီတဲ့ နောက်ခံဘ၀၀န်းကျင်တွေက လာခဲ့ကြပေမယ့် အဲဒီတုန်းက ရင်းနှီးကျွမ်းဝင်မှုကို အခုချိန်ထဲ ထိန်းထားနိုင်ဆဲပါပဲ။ ကျွန်ုပ်တို့ မိဘမဲ့တွေဟာ ကိုယ်စီပြဿနာတွေ ကြုံတွေ့ခဲ့ရပါတယ်။ ဒါပေမယ့် ကျွန်ုပ်တို့အဖွဲ့ထဲက သူငယ်ချင်းတွေဟာ အသက်အရွယ်ကြီးရင့်လာတဲ့အခါ လက်တွေ့ကျတဲ့ဘ၀မှာ ရိုးသားသူတွေ ဖြစ်လာခဲ့ကြပါတယ်။

ကျွန်ုပ်ရဲ့ ကိုယ်ပိုင်ဘာသာရေးယုံကြည်ချက်အကြောင်း ပြောရမယ်ဆိုရင် စစ်ပွဲအတွင်းမှာ အခက်အခဲတွေ အများကြီးကြုံခဲ့ရတော့ ဘာသာရေးလိုက်စားသူတစ်ဦးအဖြစ် ကြီးပြင်းခဲ့ပါတယ်။ မိဘမဲ့နေတဲ့ ကလေးငယ်တွေ၊ အပျက်အစီးတွေနဲ့ စစ်ပွဲက လက်ဆောင်ပေးလိုက်တဲ့ နာကျင်မှုတွေက ကျွန်ုပ်ကို ဘာသာရေးသမားဖြစ်အောင် လုပ်ပေးခဲ့ပါတယ်။ စစ်ပွဲတွေ၊ ပဋိပက္ခတွေကို ဘယ်လို ကာကွယ်ရမယ်၊ ကမ္ဘာကြီး ငြိမ်းချမ်းစွာ ရပ်တည်ဖို့ နာကျင်မှုတွေကို ဘယ်လို လျော့ချရမယ်ဆိုတာကို တွေးခေါ်တတ်အောင် ဒီအတွေ့အကြုံတွေက လမ်းပြပေးခဲ့တယ်။

ကလေးစစ်သားတစ်ယောက်အနေနဲ့ ဘ၀ရဲ့ နာကျင်မှုတွေကို အများကြီး ကြုံတွေ့ခဲ့ရတယ်။ နောက်ပိုင်းမှာ အရမ်းကို ရဲရင့်တဲ့ စစ်သားတစ်ယောက်လုပ်ဖို့ စိတ်ကူးရခဲ့တယ်။ အဲဒီစစ်သားဟာ ကမ္ဘာကြီးငြိမ်းချမ်းဖို့ ရန်သူအားလုံးကို ကျော်လွှားနိုင်ရမယ်။ ဒါကတော့ လူသားထုတစ်ရပ်လုံးကို ကြည့်ရှုစောင်မဖို့ ကူညီဖို့ စွမ်းနိုင်တဲ့ ဘာသာရေးသမားတစ်ယောက် ဖြစ်ပါတယ်။ ဒီလိုနဲ့ ကျွန်ုပ်ဟာ ဘုန်းကြီးဘ၀ကို ရလာခဲ့တယ်။ ဒီဘ၀ကို ရွေးချယ်ဖို့အတွက် ကျွန်ုပ်မှာ ဒွိဟဖြစ်ရင်း အချိန်များစွာ ကုန်ဆုံးခဲ့ပါသေးတယ်။

နောက်ဆုံးမှာတော့ နှလုံးသားမှာ မေတ္တာတရားနဲ့ ငြိမ်းချမ်းခြင်းတွေ ကိန်းအောင်အားထုတ်ဖို့ ရဟန်းဘ၀ကို ခံယူခဲ့ပါတယ်။ ကျွန်ုပ်ဟာ စစ်ပွဲတွေ ဆိတ်သုဉ်းအောင်၊ ငြိမ်းချမ်းမှုတွေ တိုးပွားအောင် ကူညီနိုင်စွမ်းရှိလာပါတယ်။ ပထမဆုံး စစ်ပွဲတွေ ဘာကြောင့်ဖြစ်ပွားရသလဲဆိုတာကို စဉ်းစားတယ်။ အထင်ရှားဆုံးအရာကတော့ ဘာသာတရားတွေအချင်းချင်းကြားမှာဖြစ်တဲ့ ပဋိပက္ခတွေ ဦးစားပေးစဉ်းစားဖြစ်ပါတယ်။

ဒါပေမယ့် ကျွန်ုပ်တို့ဟာ ယုံကြည်ချက်မရှိဘဲ အသက်မရှင်နိုင်ပါဘူး။ ဒါကြောင့်ပဲ ဘာသာတရားတွေကတော့ ရှိနေပါလိမ့်မယ်။ အဖွဲ့အစည်းတွေရဲ့ကြားမှာ ယုံကြည်ချက်တွေ၊ ဘာသာတရားတွေအများကြီး ကွဲပြားနေပါတယ်။ ဒါတွေကလဲ သဘာဝအားဖြင့် ဆန့်ကျင်ဘက်အမြင်တွေ ပေါ်ပေါက်လာစေတယ်။ ဒီဆန့်ကျင်ဘက်သဘောတရားတွေကို ဘယ်လိုများ ပပျောက်အောင် လုပ်နိုင်မလဲ။

ဘာသာတရားတွေရဲ့ စွမ်းအားကို ချစ်ခြင်းမေတ္တာတွေနဲ့ ထုံမွှမ်းထားတဲ့ ငြိမ်းချမ်းရေးအဖြစ် ဘယ်လို အသွင်ပြောင်းပေးနိုင်မလဲ။ အထူးအားဖြင့် ဒီနေ့ခေတ်မှာ လူသားတွေဟာ ကမ္ဘာကြီးပူနွေးလာမှုနဲ့ ကမ္ဘာလုံးဆိုင်ရာ ပြဿနာပေါင်းစုံကို ရင်ဆိုင်နေရပါတယ်။ ဒါကို ကျွန်ုပ်တို့ဘာသာရေးအဖွဲ့အစည်းတွေက ကမ္ဘာကြီးငြိမ်းချမ်းအောင် ဘယ်လို ကယ်တင်ပေးနိုင်မလဲ။

ဆက်လက်ဖော်ပြပါမည်.....

No comments:

နမော တဿ ဘဂ၀တော အရဟတော သမ္မာသမ္ဗုဒ္ဓဿ

LinkWithin

Related Posts with Thumbnails