Friday, May 29, 2009

ကူဋဒန္တသုတ်တော်အား လေ့လာသုံးသပ်ခြင်း (မြတ်ဗုဒ္ဓ၏ တိုင်းပြည် ငြိမ်းချမ်းတိုးတက်ရေး)

ယခင်အဆက်......

ပူဇော်သူ၏ အင်္ဂါရှစ်ပါး

မဟာဝိဇိတမင်းသည် ရှစ်ပါးသော အင်္ဂါနှင့် ပြည့်စုံ၏။
(၁) အမိဘက် အဖဘက် နှစ်ဖက်စလုံးတို့မှ ကောင်းသော ဇာတ်ရှိ၏၊ ဘိုးဘေး ခုနစ်ဆက်တိုင်အောင် မျိုးရိုးသန့်သော အမိဝမ်းရှိ၏၊ ဇာတ်နှင့်စပ်သော စကားဖြင့် အပယ်မခံရ၊ အကဲ့ရဲ့ မခံရ။
(၂) အဆင်းလှ၏၊ ရှုချင်ဖွယ်ရှိ၏၊ ကြည်ညိုဖွယ်ရှိ၏၊ မြတ်သော အဆင်းသဏ္ဌာန်နှင့် ပြည့်စုံ၏၊ ဗြဟ္မာနှင့်တူသော အဆင်းရှိ၏၊ ဗြဟ္မာနှင့်တူသော ကိုယ်ရှိ၏၊ ခံ့ညားသော ကိုယ်ခန္ဓာရှိ၏။
(၃) ကြွယ်ဝ၏၊ များသော ဥစ္စာရှိ၏၊ များသော စည်းစိမ်ရှိ၏၊ များသော ရွှေငွေရှိ၏၊ များသောနှစ်သက်ဖွယ် အသုံးအဆောင်ရှိ၏၊ များသော ဥစ္စာစပါးရှိ၏၊ ပြည့်သော ဘဏ္ဍာတိုက် ကျီကြရှိ၏။
(၄) ဗိုလ်ပါအင်အား ရှိ၏၊ သစ္စာရှိသော အမိန့်ကို ရိုသေစွာ လိုက်နာသော အင်္ဂါလေးပါးရှိသောစစ်သည်နှင့် ပြည့်စုံ၏၊ (စစ်သည်ဗိုလ်ပါ) အခြံအရံဖြင့် ရန်သူတို့ကို ဖိနှိပ်လွှမ်းမိုးနေသကဲ့သို့ ဖြစ်၏။
(၅) သဒ္ဓါတရားရှိ၏၊ ပေးကမ်းစွန့်ကြဲတတ်၏၊ (အမြတ်ကို ပေးတတ်သော) အလှူရှင်ဖြစ်၏၊ ရဟန်းပုဏ္ဏား အထီးကျန်သူ ခရီးသွား ဖုန်းတောင်းယာစကာတို့အတွက် မပိတ်သော တံခါးရှိ၏၊ ရေတွင်းသဖွယ်ဖြစ်၍ ကောင်းမှုတို့ကို ပြု၏။
(၆) အထူးထူး အပြားပြား များသော အကြားအမြင်နှင့် ပြည့်စုံ၏။
(၇) ဤသည်ကား ဤစကား၏ အနက်အဓိပ္ပါယ်တည်း၊ ဤသည်ကား ဤစကား၏ အနက်အဓိပ္ပါယ်တည်းဟု ထိုထိုစကား၏ အနက်အဓိပ္ပါယ်ကို သိ၏။
(၈) ပညာရှိ၏၊ လိမ္မာ၏၊ ထက်မြက်သော ဉာဏ်ရှိ၏၊ ဖြစ်ပြီး ဖြစ်ဆဲ ဖြစ်လတ္တံ့ အကျိုးတို့ကို့ကြံဆခြင်းငှါ စွမ်းနိုင်၏။
မဟာဝိဇိတမင်းသည် ဤရှစ်ပါးသော အင်္ဂါတို့နှင့် ပြည့်စုံ၏၊ ဤသို့လျှင် ရှစ်ပါးသော ဤအင်္ဂါတို့သည်လည်း ထိုယဇ်၏သာလျှင် အရံအတားများ ဖြစ်ကြကုန်၏၊

လေးပါးသော အင်္ဂါအကြောင်း
အကြံပေးဖြစ်သူ ပုရောဟိတ်ပုဏ္ဏားသည်လည်း လေးပါးသော အင်္ဂါတို့နှင့် ပြည့်စုံ၏။
(၁) အမိဘက် အဖဘက် နှစ်ဖက်စလုံးတို့မှ ကောင်းသော ဇာတ်ရှိ၏၊ ဘိုးဘေးခုနစ်ဆက် တိုင် အောင်မျိုးရိုးသန့်သော အမိဝမ်းရှိ၏၊ ဇာတ်နှင့်စပ်သော စကားဖြင့် အပယ်မခံရ၊ အကဲ့ရဲ့ မခံရ။
(၂) ဝေဒကျမ်းလာ ဂါထာတို့ကို ရွတ်ဆိုတတ်၏၊ ဝေဒကျမ်းတို့ကို ဆောင်၏၊ အဘိဓာန် 'နိဃဏ္ဍု' ကျမ်း၊ အလင်္ကာ 'ကေဋုဘ' ကျမ်း၊ သဒ္ဒါ 'အက္ခရပ္ပဘေဒ' ကျမ်း၊ ငါးခုမြောက် ဣတိဟာသ ကျမ်းနှင့်တကွဗေဒင်သုံးပုံတို့၏ တစ်ဖက်ကမ်းသို့ ရောက်၏၊ ပဒကျမ်းကို တတ်၏၊ ဗျာကရုဏ်းကျမ်းကို တတ်၏၊ လောကာယတကျမ်း၊ မဟာပုရိသလက္ခဏာကျမ်းတို့၌ အကြွင်းမဲ့ တတ်မြောက်၏။
(၃) သီလရှိ၏၊ ကြီးပွါးသော သီလရှိ၏၊ ကြီးပွါးသော သီလနှင့် ပြည့်စုံ၏။
(၄) ပညာရှိ၏၊ လိမ္မာ၏၊ ထက်မြက်သော ဉာဏ်ရှိ၏၊ ယဇ်ယောက်မကိုင်သော သူတို့တွင် ပဌမသော်လည်းကောင်း ဒုတိယသော်လည်းကောင်း ဖြစ်၏။
ပုရောဟိတ်ပုဏ္ဏားသည် ဤလေးပါးသော အင်္ဂါတို့နှင့် ပြည့်စုံ၏၊ ဤသို့လျှင် လေးပါးသောဤအင်္ဂါတို့သည်လည်း ထိုယဇ်၏သာလျှင် အရံအတားများ ဖြစ်ကြကုန်၏။

ဤနေရာ၌ ယဇ်ယောက်မကိုင်ဟူသည်မှာ လူတိုင်းကိုင်နိုင်သောအရာ မဟုတ်၊ အတော်အတန် ဉာဏ်ပညာကြီးသော ပုဏ္ဏားတို့သာ ကိုင်ခွင့်ရနိုင်သည်။ ပုရောဟိတ်ပုဏ္ဏားသည်လည်း ထိုယဇ်ယောက်မကို ကိုင်ခွင့်ရှိသော ပထမအကြီးအကဲ၊ သို့မဟုတ် ဒုတိယအကြီးအကဲအဆင့်ရှိသည်။

ပူဇော်သူ၏ စိတ်ထားသုံးပါး
ပုရောဟိတ်ပုဏ္ဏားသည် မဟာဝိဇိတမင်းအား ယဇ်မပူဇော်မီ ရှေးဦးစွာရှိသင့်သော စိတ်ထားသုံးပါးတို့ကို ညွှန်ကြား၏ -
(၁) ယဇ်ကြီးပူဇော်ရန် ကြံစည်တောင့်တနေသော (ကာလ၌) အသျှင်မင်းအား ''များစွာသော ငါ၏စည်းစိမ်အစုသည် ကုန်ခန်းလိမ့်တကား''ဟု တစ်စုံတစ်ခုသော နှလုံးမသာခြင်းသည် ဖြစ်ရာ၏၊ အသျှင်မင်းသည် ထို (သို့သော) နှလုံးမသာခြင်းကို မဖြစ်စေသင့်ပါ။
(၂) ယဇ်ကြီးပူဇော်ဆဲ (ကာလ၌) အသျှင်မင်းအား ''များစွာသော ငါ၏ စည်းစိမ်အစုသည် ကုန်ခန်း၏တကား''ဟု တစ်စုံတစ်ခုသော နှလုံးမသာခြင်းသည် ဖြစ်ရာ၏၊ အသျှင်မင်းသည် ထို (သို့သော) နှလုံးမသာခြင်းကို မဖြစ်စေသင့်ပါ။
(၃) ယဇ်ကြီးပူဇော်ပြီးသော (ကာလ၌) အသျှင်မင်းအား ''များစွာသော ငါ၏ စည်းစိမ်အစုသည် ကုန်ခန်းလေပြီတကား''ဟု တစ်စုံတစ်ခုသော နှလုံးမသာခြင်းသည် ဖြစ်ရာ၏၊ အသျှင်မင်းသည် ထို (သို့သော) နှလုံးမသာခြင်းကို မဖြစ်စေသင့်ပါ။
အမှန်အားဖြင့် ပုဗ္ဗစေတနာ (အလှူမပြုမီ ကြိုတင်ပြီး ကုသိုလ်စိတ်များ ဖြစ်နေခြင်း)၊ မုဉ္စစေတနာ (လှူနေဆဲအခိုက်အတံ့တွင်လည်း ကုသိုလ်စိတ်များ ဖြစ်နေခြင်း)၊ အပရစေတနာ (လှူပြီးနောက်ကာလတွင်လည်း အလှူအကြောင်းပြန်တွေးပြီး ကုသိုလ်စိတ်များဖြစ်နေခြင်း)ဟူသော စေတနာသုံးတန်ပြည့်စုံနေရမည်ဟု ဆိုလိုခြင်း ဖြစ်ပါသည်။

အခြင်းအရာဆယ်ပါး
ပုရောဟိတ်ပုဏ္ဏား ညွှန်ပြသော အခြင်းအရာ ဆယ်ပါးမှာ ယနေ့အလှူပေးပုဂ္ဂိုလ်တို့အတွက် မှတ်သားစရာ အလွန်ကောင်းပါသည်။ အခြင်းအရာဟူသည်မှာ အလှူပေးရာတွင် ဖြစ်လေ့ဖြစ်ထရှိသော၊ ကြုံတွေ့ရတတ်သော အနေအထားဟု ဆိုရမည် ထင်ပါသည်။ ဤအနေအထားဆယ်ချက်ကို ကြိုတင်သိမြင်ထားမှသာ အလှူပေးရာ၌ ၀မ်းမြောက်ဝမ်းသာ ဖြစ်နိုင်ပေလိမ့်မည်။ ပုရောဟိတ်ပုဏ္ဏားသည် မဟာဝိဇိတမင်းအား အခြင်းအရာ ဆယ်ပါးကို ကြိုတင်ပြောပြထားခြင်းအားဖြင့် စေတနာသုံးတန်ပြည့်စုံအောင် ညွှန်ပြထားသည်။

ပုရောဟိတ်ပုဏ္ဏားသည် မဟာဝိဇိတမင်းအား -
(၁) အသျှင်၏ ယဇ်ပွဲသို့ အသက်ကို သတ်လေ့ရှိသော သူတို့သည်လည်းကောင်း၊ အသက်သတ်ခြင်းမှရှောင်ကြဉ်သော သူတို့သည်လည်းကောင်း လာကုန်လတ္တံ့၊ ထိုသူတို့တွင် အကြင်သူတို့သည် အသက်ကို သတ်လေ့ရှိကုန်၏၊ ထို (အသက်သတ်ခြင်း)ကြောင့် ထိုသူတို့အားသာ (မကောင်းကျိုးဖြစ်ပါလတံ္တ့)၊ ထိုသူတို့တွင် အကြင်သူတို့သည် အသက်သတ်ခြင်းမှ ရှောင်ကြဉ်ကုန်၏၊ ထို သူတို့ကို အာရုံပြု၍ အသျှင်သည် ပေးလှူပူဇော်ပါလော့၊ အသျှင်သည် စွန့်ကြဲပါလော့၊ အသျှင်သည်ဝမ်းမြောက်ပါလော့၊ အသျှင်သည် မိမိသန္တာန်၌ စိတ်ကိုသာ ကြည်စေပါလော။
(၂) အသျှင်၏ ယဇ် (ပွဲ) သို့ ခိုးယူလေ့ရှိသော သူတို့သည်လည်းကောင်း၊ ခိုးယူခြင်းမှ ရှောင်ကြဉ် သောသူတို့သည်လည်းကောင်း လာကုန်လတ္တံ့။ပ။
(၃) ကာမဂုဏ်တို့၌ မှားယွင်းစွာ ကျင့်လေ့ရှိသော သူတို့သည်လည်းကောင်း၊ ကာမဂုဏ်တို့၌မှားယွင်းစွာကျင့်ခြင်းမှ ရှောင်ကြဉ်သော သူတို့သည်လည်းကောင်း။
(၄) မဟုတ်မမှန်ပြောလေ့ရှိသော သူတို့သည်လည်းကောင်း၊ မဟုတ်မမှန်ပြောခြင်းမှ ရှောင်ကြဉ်သောသူတို့သည်လည်းကောင်း။
(၅) ကုန်းစကားကို ပြောလေ့ရှိသော သူတို့သည်လည်းကောင်း၊ ကုန်းစကားမှ ရှောင်ကြဉ်သောသူတို့သည်လည်းကောင်း။
(၆) ရုန့်ကြမ်းသော စကားကို ပြောလေ့ရှိသော သူတို့သည်လည်းကောင်း၊ ရုန့်ကြမ်းသော စကားမှ ရှောင်ကြဉ်သော သူတို့သည်လည်းကောင်း။
(၇) ပြိန်ဖျင်းသော စကားကို ပြောလေ့ရှိသော သူတို့သည်လည်းကောင်း၊ ပြိန်ဖျင်းသော စကားမှရှောင်ကြဉ်သော သူတို့သည်လည်းကောင်း။
(၈) လိုချင်တပ်မက်ခြင်း 'အဘိဇ္ဈာ' ရှိသော သူတို့သည်လည်းကောင်း၊ လိုချင်တပ်မက်ခြင်း 'အဘိဇ္ဈာ' မရှိသော သူတို့သည်လည်းကောင်း။
(၉) ပျက်စီးစေလိုသော စိတ်ရှိသော သူတို့သည်လည်းကောင်း၊ ပျက်စီးစေလိုသော စိတ်မရှိသောသူတို့သည်လည်းကောင်း။
(၁ဝ) မှားသော အယူရှိသော သူတို့သည်လည်းကောင်း၊ မှန်သော အယူရှိသော သူတို့သည်လည်းကောင်း လာကုန်လတ္တံ့၊ ထိုသူတို့တွင် အကြင်သူတို့သည် မှားသော အယူရှိကုန်၏၊ ထို (မှားသောအယူ) ကြောင့် ထိုသူတို့အားသာ (မကောင်းကျိုးဖြစ်ပါလတ္တံ့) ထိုသူတို့တွင် အကြင် သူတို့သည်မှန်သော အယူရှိကုန်၏၊ ထိုသူတို့ကို အာရုံပြု၍ အသျှင်သည် ပေးလှူပူဇော်ပါလော့၊ အသျှင်သည်စွန့်ကြဲပါလော့၊ အသျှင်သည် ဝမ်းမြောက်ပါလော့၊ အသျှင်သည် မိမိသန္တာန်၌ စိတ်ကိုသာကြည်စေပါလော။

အထက်ပါ လမ်းညွှန်စကားရပ်ကို အနှစ်ချုပ်ကြည့်လျှင် - အလှူခံရောက်လာသူပုဂ္ဂိုလ်တို့တွင် ဒုစရိုက် (၁၀)ပါးကို ပြုကျင့်သူများလည်း ပါလာတတ်သည်။ ဒုစရိုက်ဆယ်ပါးကို မပြုကျင့်သူများ (သီလဖြူစင်သူများ)လည်း ပါဝင်လိမ့်မည်။ ထိုပုဂ္ဂိုလ်တို့တွင် ဒုစရိုက်ပြုသူများသည် သူ့အပြစ်နှင့်သူ မကောင်းကျိုး ရပါလိမ့်မည်။ (သူ့စရိတ်နှင့်သူ သွားပါလိမ့်မည်။) အရှင့်အနေဖြင့် သီလရှိသူများကိုသာ အာရုံပြုပြီး လှူလိုက်ပါဟု ဆိုလိုရင်း ဖြစ်ပါသည်။

အလှူပြုသူများအတွက် မှတ်သားသင့်ပါသည်။ တခါတရံ အလှူရှင်ပုဂ္ဂိုလ်များသည် အလှူမပြုခင်က ကုသိုလ်စိတ်များဖြစ်ပေါ်ပြီး ပုဗ္ဗစေတနာအားကောင်းခဲ့သော်လည်း အလှူပြုစဉ်တွင် သီလ၊ သမာဓိမရှိသော အလှူခံပုဂ္ဂိုလ်များကို မိမိအလှူတွင် တွေ့မြင်လာရသောကြောင့် မုဉ္စစေတနာ၊ အပရစေတနာများ ပျက်ယွင်းပြီး စိတ်ညစ်စရာများ ကြုံတွေ့သွားရတတ်ပါသည်။
အလှူဒါနကြီးပြုလုပ်ခြင်းဖြစ်၍ မိမိ၏ အလှူသို့ သီလရှိသူများသာမက၊ အကျင့်စာရိတ္တပျက်ယွင်းနေသော အလှူခံများလည်း ရောက်လာပေလိမ့်မည်။ ထိုသို့ ရောက်လာလျှင်လည်း `သူ့အကုသိုလ်နှင့်သူ သွားပေလိမ့်မယ်´ဟု သဘောထားပြီး သီလရှိသူများကိုသာ အာရုံပြုလှူဒါန်းခြင်းအားဖြင့် စေတနာသုံးတန် မပျက်ယွင်းအောင် ကြိုးစားလှူဒါန်းသင့်ပါသည်။

ဆက်လက်ဖော်ပြပါမည်....

No comments:

နမော တဿ ဘဂ၀တော အရဟတော သမ္မာသမ္ဗုဒ္ဓဿ

LinkWithin

Related Posts with Thumbnails